മാഹിയില് നിന്ന് ബസിൽ കടത്തിയത് 30 ലിറ്റർ മദ്യം; രഹസ്യ വിവരം കിട്ടിയ എക്സൈസ് ബസ് സ്റ്റാന്റില് നിന്ന് പിടിച്ചു
Synopsis
നേരത്തേ 200 ലിറ്റർ മദ്യം കടത്തിയതിനു പിടിയിലായ യുവാവാണ് മാഹിയില് നിന്ന് ബസില് കൊണ്ടുവരുന്നതിനിടെ എക്സൈസിന്റെ പിടിയിലായത്.
വടകര: എക്സൈസ് നടത്തിയ റെയ്ഡിൽ 30 ലിറ്റർ മാഹി മദ്യവുമായി യുവാവ് പിടിയിൽ. മലപ്പുറം ഏറനാട് പാണ്ടിക്കാട് ആമപാറക്കൽ വീട്ടിൽ ശരത് ലാൽ (30) ആണ് എക്സൈസിന്റെ പിടിയിലായത്. ക്രിസ്മമസ് ന്യൂ ഇയർ സ്പെഷ്യൽ ഡ്രൈവിന്റെ ഭാഗമായി
എക്സൈസ് ഇന്റലിജൻസ് ബ്യൂറോ പ്രിവന്റീവ് ഓഫീസർ പ്രമോദ് പുളിക്കൂലിനു കിട്ടിയ രഹസ്യ വിവരത്തിന്റെ അടിസ്ഥാനത്തിൽ നടത്തിയ വാഹന പരിശോധനയിലാണ് ഇയാൾ അറസ്റ്റിലായത്.
പയ്യന്നൂർ-കോഴിക്കോട് റൂട്ടിലോടുന്ന കെഎൽ 13 എ.എക്സ് 3400 നമ്പർ കൃതിക ബസിൽ യാത്ര ചെയ്യുകയായിരുന്നു ശരത് ലാൽ. വടകര പുതിയ സ്റ്റാന്റിൽ നടത്തിയ പരിശോധനയിലാണ് ഇയാളെ പിടികൂടിയത്. നേരത്തേ 200 ലിറ്റർ മദ്യം കടത്തിയതിനു മഞ്ചേരിയില് കേസിൽ പ്രതിയാണ് ഇയാളെന്ന് എക്സൈസ് പറഞ്ഞു. വടകര എക്സൈസ് പ്രിവന്റീവ് ഓഫീസർ സുനിൽ കെയുടെ നേതൃത്വത്തിൽ പ്രിവന്റീവ് ഓഫീസർ സോമസുന്ദരൻ കെ.എം, സിവിൽ എക്സൈസ് ഓഫീസർമാരായ അനിരുദ്ധ് പി.കെ, വിനീത് എം.പി, സിനീഷ് കെ, അരുൺ. എം, ഡ്രൈവർ രാജൻ എന്നിവർ പാർട്ടിയിൽ ഉണ്ടായിരുന്നു. പുതുവർഷവും ക്രിസ്മസും മുന്നിൽ കണ്ട് വ്യാപകമായ തോതിൽ മദ്യ മയക്കുമരുന്ന് കടത്ത് നടക്കുന്നത് തടയാൻ എക്സൈസും പോലീസും പരിശോധന ശക്തമാക്കിയിരിക്കുകയാണ്.
ആ ഉപദേശങ്ങള് എന്റേതല്ല; തന്റെ പേരില് പ്രചരിക്കുന്ന വീഡിയോ 'ഡീപ് ഫേക്കേന്ന്' രത്തന് ടാറ്റയുടെ മുന്നറിയിപ്പ്
ന്യൂഡല്ഹി: തന്റെ പേരില് പ്രചരിക്കുന്ന വ്യാജ വീഡിയോയെക്കുറിച്ച് മുന്നറിയിപ്പുമായി പ്രമുഖ വ്യവസായിയും ടാറ്റ ഗ്രൂപ്പ് മുന് ചെയര്മാനുമായ രത്തന് ടാറ്റ. നഷ്ട സാധ്യതകളില്ലാത്തതും നൂറ് ശതമാനം നേട്ടം ഉറപ്പു നല്കുന്നതുമായ നിക്ഷേപ പദ്ധതികളെന്ന പേരില് തയ്യാറാക്കിയിരിക്കുന്ന ഒരു വീഡിയോ ക്ലിപ്പിലാണ് രത്തന് ടാറ്റയുടെ 'ഉപദേശങ്ങള്' വ്യാജമായി ചേര്ത്ത് പ്രചരിപ്പിക്കുന്നത്. ഈ വീഡിയോ വ്യാജമാണെന്നും അതിനെതിരെ ജാഗ്രത പുലര്ത്തണമെന്നും ബുധനാഴ്ച രത്തന് ടാറ്റ ആവശ്യപ്പെട്ടു.
ഇന്സ്റ്റഗ്രാം സ്റ്റോറിയിലൂടെയാണ് രത്തന് ടാറ്റ തന്റെ പേരിലുള്ള വ്യാജ വീഡിയോയെക്കുറിച്ച് മുന്നറിയിപ്പ് നല്കിയത്. സോന അഗര്വാള് എന്ന പേരിലുള്ള ഒരു അക്കൗണ്ടില് നിന്നുള്ള വീഡിയോയുടെ സ്ക്രീന് ഷോട്ടും അദ്ദേഹം പോസ്റ്റ് ചെയ്തിട്ടുണ്ട്. ചില നിക്ഷേപങ്ങള് രത്തന് ടാറ്റ പ്രോത്സാഹിപ്പിക്കുന്നു എന്ന തരത്തില് അദ്ദേഹത്തിന്റെ അഭിമുഖമാണ് വ്യാജമായി തയ്യാറാക്കിയിരിക്കുന്നത്. ഈ വ്യാജ വീഡിയോയില് സോന അഗര്വാളിനെ തന്റെ മാനേജറായി അവതരിപ്പിച്ചുകൊണ്ട് രത്തന് ടാറ്റ സംസാരിക്കുന്നതായാണ് ചിത്രീകരണം.
ഇന്ത്യയിലുള്ള എല്ലാ ഓരോരുത്തരോടും രത്തന് ടാറ്റ നിര്ദേശിക്കുന്ന കാര്യം എന്ന തരത്തില് തലക്കെട്ട് കൊടുത്തിട്ടുണ്ട്. 100 ശതമാനം ഗ്യാരന്റിയോടെ മറ്റ് റിസ്കുകള് ഒട്ടുമില്ലാതെ നിങ്ങളുടെ നിക്ഷേപം വര്ദ്ധിപ്പിക്കാനുള്ള സാധ്യതയാണ് ഇതെന്നും കൂടുതല് വിവരങ്ങള്ക്ക് ചാനല് സന്ദര്ശിക്കാനും വീഡിയോയുടെ ഒപ്പമുള്ള കുറിപ്പില് ആവശ്യപ്പെടുന്നു. നിരവധിപ്പേര്ക്ക് നിക്ഷേപങ്ങളില് നിന്നുള്ള പണം തങ്ങളുടെ അക്കൗണ്ടുകളില് വന്നതായി കാണിക്കുന്ന സ്ക്രീന് ഷോട്ടുകളും വീഡിയോയില് ഉള്പ്പെടുന്നുണ്ട്.
ആ ഉപദേശങ്ങള് എന്റേതല്ല; തന്റെ പേരില് പ്രചരിക്കുന്ന വീഡിയോ 'ഡീപ് ഫേക്കേന്ന്' രത്തന് ടാറ്റയുടെ മുന്നറിയിപ്പ്
ന്യൂഡല്ഹി: തന്റെ പേരില് പ്രചരിക്കുന്ന വ്യാജ വീഡിയോയെക്കുറിച്ച് മുന്നറിയിപ്പുമായി പ്രമുഖ വ്യവസായിയും ടാറ്റ ഗ്രൂപ്പ് മുന് ചെയര്മാനുമായ രത്തന് ടാറ്റ. നഷ്ട സാധ്യതകളില്ലാത്തതും നൂറ് ശതമാനം നേട്ടം ഉറപ്പു നല്കുന്നതുമായ നിക്ഷേപ പദ്ധതികളെന്ന പേരില് തയ്യാറാക്കിയിരിക്കുന്ന ഒരു വീഡിയോ ക്ലിപ്പിലാണ് രത്തന് ടാറ്റയുടെ 'ഉപദേശങ്ങള്' വ്യാജമായി ചേര്ത്ത് പ്രചരിപ്പിക്കുന്നത്. ഈ വീഡിയോ വ്യാജമാണെന്നും അതിനെതിരെ ജാഗ്രത പുലര്ത്തണമെന്നും ബുധനാഴ്ച രത്തന് ടാറ്റ ആവശ്യപ്പെട്ടു.
ഇന്സ്റ്റഗ്രാം സ്റ്റോറിയിലൂടെയാണ് രത്തന് ടാറ്റ തന്റെ പേരിലുള്ള വ്യാജ വീഡിയോയെക്കുറിച്ച് മുന്നറിയിപ്പ് നല്കിയത്. സോന അഗര്വാള് എന്ന പേരിലുള്ള ഒരു അക്കൗണ്ടില് നിന്നുള്ള വീഡിയോയുടെ സ്ക്രീന് ഷോട്ടും അദ്ദേഹം പോസ്റ്റ് ചെയ്തിട്ടുണ്ട്. ചില നിക്ഷേപങ്ങള് രത്തന് ടാറ്റ പ്രോത്സാഹിപ്പിക്കുന്നു എന്ന തരത്തില് അദ്ദേഹത്തിന്റെ അഭിമുഖമാണ് വ്യാജമായി തയ്യാറാക്കിയിരിക്കുന്നത്. ഈ വ്യാജ വീഡിയോയില് സോന അഗര്വാളിനെ തന്റെ മാനേജറായി അവതരിപ്പിച്ചുകൊണ്ട് രത്തന് ടാറ്റ സംസാരിക്കുന്നതായാണ് ചിത്രീകരണം.
ഇന്ത്യയിലുള്ള എല്ലാ ഓരോരുത്തരോടും രത്തന് ടാറ്റ നിര്ദേശിക്കുന്ന കാര്യം എന്ന തരത്തില് തലക്കെട്ട് കൊടുത്തിട്ടുണ്ട്. 100 ശതമാനം ഗ്യാരന്റിയോടെ മറ്റ് റിസ്കുകള് ഒട്ടുമില്ലാതെ നിങ്ങളുടെ നിക്ഷേപം വര്ദ്ധിപ്പിക്കാനുള്ള സാധ്യതയാണ് ഇതെന്നും കൂടുതല് വിവരങ്ങള്ക്ക് ചാനല് സന്ദര്ശിക്കാനും വീഡിയോയുടെ ഒപ്പമുള്ള കുറിപ്പില് ആവശ്യപ്പെടുന്നു. നിരവധിപ്പേര്ക്ക് നിക്ഷേപങ്ങളില് നിന്നുള്ള പണം തങ്ങളുടെ അക്കൗണ്ടുകളില് വന്നതായി കാണിക്കുന്ന സ്ക്രീന് ഷോട്ടുകളും വീഡിയോയില് ഉള്പ്പെടുന്നുണ്ട്.
ഏഷ്യാനെറ്റ് ന്യൂസ് ലൈവ് യുട്യൂബില് കാണാം...
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam