ഇൻസ്റ്റാഗ്രാമിൽ ലൈവിട്ട ശേഷം യുവാവ് പുഴയിൽ ചാടി ജീവനൊടുക്കി

കൊച്ചി മഞ്ഞുമ്മലിൽ ഇൻസ്റ്റാഗ്രാമിൽ ലൈവ് വന്ന ശേഷം പുഴയിൽ ചാടിയ യുവാവ് മരിച്ചു. കളമശ്ശേരി സ്വദേശിയായ ആൻ്റണി ഡാനിയേലിൻ്റെ മൃതദേഹം കണ്ടെടുത്തു.

കൊച്ചി: കൊച്ചി മഞ്ഞുമ്മലിൽ പുഴയിൽ ചാടിയ യുവാവ് മരിച്ചു. ഇന്നലെ രാത്രിയാണ് കളമശ്ശേരി സ്വദേശിയായ ആൻ്റണി ഡാനിയേൽ (25) പുഴയിൽ ചാടി ജീവനൊടുക്കിയത്. ഇൻസ്റ്റാഗ്രാമിൽ ലൈവ് ഇട്ട ശേഷമായിരുന്നു ഇയാൾ പുഴയിലേക്ക് ചാടിയത്. രാവിലെ സ്കൂബ സംഘത്തിന്റെ തെരച്ചിലിൽ മൃതദേഹം കണ്ടെടുത്തു. 2020 ൽ നാട്ടിൽ തനിക്കെതിരെ നടന്ന അപവാദ പ്രചരണം വിഷാദരോഗത്തിലേക്ക് എത്തിച്ചെന്നാണ് ഇൻസ്റ്റാഗ്രാം ലൈവിൽ യുവാവ് പറഞ്ഞിരിക്കുന്നത്. ഏഴ് വർഷമായി മാനസികമായി ബുദ്ധിമുട്ടുന്നു. മാനസികമായി തകർന്ന അവസ്ഥയിലാണ് ആത്മഹത്യയെന്നും ഇൻസ്റ്റ വീഡിയോയിൽ യുവാവ് പറയുന്നു.