ഇൻസ്റ്റഗ്രാമിൽ വ്യാജ അക്കൌണ്ട് നിർമ്മിച്ച് വിദ്യാർത്ഥിയെ അപമാനിച്ചു, യുവാവ് പിടിയിൽ
Synopsis
സൗഹൃദത്തില് നിന്ന് പിന്മാറിയ ദേഷ്യത്തിനാണ് ഇയാള് യുവതിയെ അപമാനിച്ചത്. തുടര്ന്ന് പെൺകുട്ടിക്ക് കോളജില് പോലും പോകാൻ കഴിയാതെയായി...
മലപ്പുറം : സമൂഹ മാധ്യമം വഴി എന്ജിനീയറിംഗ് വിദ്യാര്ഥിയായ 19 കാരിയെ അപമാനിച്ച കേസില് കോഴിക്കോട് കക്കോടി സ്വദേശി ആദര്ശ് (25) അറസ്റ്റില്. നേരത്തെ യുവാവുമായി സൗഹൃദമുണ്ടായിരുന്ന പെണ്കുട്ടി നടത്തിയ ചാറ്റുകള് ഇയാള് ഇന്സ്റ്റഗ്രാമില് യുവതിയുടെ പേരില് വ്യാജ ഐഡി ഉണ്ടാക്കി യുവതിയുടെ കൂട്ടുകാരികള്ക്ക് അയച്ച് കൊടുക്കുകയായിരുന്നു.
സൗഹൃദത്തില് നിന്ന് പിന്മാറിയ ദേഷ്യത്തിനാണ് ഇയാള് യുവതിയെ അപമാനിച്ചത്. തുടര്ന്ന് കോളജില് പോകാന് കഴിയാത്ത സാഹചര്യമായതോടെ പൊന്നാനി പൊലീസില് പരാതി നല്കുകയായിരുന്നു. തുടര്ന്ന് സൈബര് സെല്ലിന്റെ സഹായത്തോടെ നടത്തിയ അന്വേഷണത്തിലാണ് ഇയാള് അറസ്റ്റിലായത്. കേസില് അകപ്പെട്ടതോടെ ഇയാളുടെ ജോലിയും നഷ്ടപ്പെട്ടിരുന്നു.
അര്ധരാത്രി വീട്ടില് കയറി പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച യുവാവ് അറസ്റ്റില്
കോഴിക്കോട്: അര്ധരാത്രി വീട്ടില് കയറി പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസിലെ പ്രതിയായ യുവാവ് അറസ്റ്റില് പരപ്പനങ്ങാടി ആവില് ബീച്ച് അസറുദ്ദീ(22)നെയാണ് മാവൂര് പൊലീസ് അറസ്റ്റ് ചെയ്തത്. സമൂഹമാധ്യമത്തിലൂടെ പരിചയപ്പെട്ട പെണ്കുട്ടിയെയാണ് രാത്രി വീട്ടിലെത്തി യുവാവ് പീഡിപ്പിച്ചത്.
സുഹൃത്തിന്റെ ചികിത്സക്കെന്ന വ്യാജേന പെണ്കുട്ടിയുടെ കയ്യില് നിന്നും പ്രതി പണവും കൈക്കലാക്കിയിരുന്നു. മറ്റു കുട്ടികളെ പ്രതി സമാനരീതിയില് പീഡിപ്പിച്ചിട്ടുണ്ടോയെന്ന് പൊലീസ് അന്വേഷിക്കുന്നുണ്ട്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു. മാവൂര് സി.ഐ. വിനോദ്, സീനിയര് സിവില് പോലീസ് ഓഫീസര് രജീഷ്, സിവില് പൊലീസ് ഓഫീസര്മാരായ ലിജുലാല്, അജീഷ് എന്നിവരാണ് പ്രതിയെ അറസ്റ്റ് ചെയ്തത്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam