കെഎസ്ആആർടിസി ബസിൽ എംഡിഎംഎയുമായി എത്തി, വെള്ളായണി ജങ്ഷനിൽ വന്നിറങ്ങിയ യുവാവിനെ ഡാൻസാഫ് സംഘം പിടികൂടി

ബസിൽ വ്യാഴാഴ്ച ഉച്ചയ്ക്ക് ശേഷം നേമം വെള്ളായണി ജങ്ഷനിൽ വന്നിറങ്ങുമ്പോഴാണ് അസീമിനെ ഡാൻസാഫ് അറസ്റ്റ് ചെയ്തത്. പരിശോധനയിൽ ഇയാളിൽ നിന്നും 27 ഗ്രാം എംഡിഎംഎ പൊലീസ് പിടിച്ചെടുത്തു. ഇയാൾ ബാംഗ്ലൂരിൽ നിന്നാണ് ലഹരി വസ്തു എത്തിച്ചതെന്നാണ് സംശയം.

തിരുവനന്തപുരം: കെഎസ്ആർടിസി ബസിൽ എംഡിഎംഎയുമായി എത്തിയയാളെ ഡാൻസാഫ് സംഘം പിടികൂടി. പൂന്തുറ പുത്തൻപള്ളി എം.എസ്. മൻസിലിൽ അൽ അസീം (43) നെയാണ് പിടികൂടിയത്. നെയ്യാറ്റിൻകര ഭാഗത്ത് നിന്നും തിരുവനന്തപുരത്തേയ്ക്ക് വരികയായിരുന്ന കെഎസ്ആർടിസി ബസിലാണ് യുവാവ് ലഹരി കടത്തിയത്. ബസിൽ വ്യാഴാഴ്ച ഉച്ചയ്ക്ക് ശേഷം നേമം വെള്ളായണി ജങ്ഷനിൽ വന്നിറങ്ങുമ്പോഴാണ് അസീമിനെ ഡാൻസാഫ് അറസ്റ്റ് ചെയ്തത്. പരിശോധനയിൽ ഇയാളിൽ നിന്നും 27 ഗ്രാം എംഡിഎംഎ പൊലീസ് പിടിച്ചെടുത്തു. ഇയാൾ ബാംഗ്ലൂരിൽ നിന്നാണ് ലഹരി വസ്തു എത്തിച്ചതെന്നാണ് സംശയം. നടപടി ക്രമങ്ങൾക്ക് ശേഷം കൂടുതൽ അന്വേഷണങ്ങൾക്കായി ഡാൻസാഫ് സംഘം ഇയാളെ നേമം പൊലീസിന് കൈമാറി. ഇയാൾക്കെതിരെ തുടർ നടപടി സ്വീകരിക്കുമെന്ന് പൊലീസ് അറിയിച്ചു.