ഉച്ചയ്ക്ക് 1.20 സമയം, എരിപ്പോട് ഓട്ടുകമ്പനിക്ക് സമീപം സ്കൂൾ കുട്ടികൾക്കടക്കം വിതരണം, പിടിയിലായത് 9.16 ഗ്രാം ഹാഷിഷ് ഓയിലുമായി
Synopsis
സ്കൂള് വിദ്യാര്ഥികള്ക്ക് ഹാഷിഷ് ഓയില് വിതരണം ചെയ്യാൻ ശ്രമിച്ച യുവാവിനെ പുതുക്കാട് പോലീസ് പിടികൂടി.
തൃശൂര്: സ്കൂള് വിദ്യാര്ഥികള്ക്ക് വിതരണം ചെയ്യുന്നതിനായി എത്തിച്ച ഹാഷിഷ് ഓയിലുമായി യുവാവ് പിടിയില്. ആമ്പല്ലൂര് വില്ലേജില് അളഗപ്പനഗര് ദേശത്ത് വെള്ളയത്ത് വീട്ടില് വിഷ്ണു നാരായണന് (27) ആണ് പുതുക്കാട് പോലീസിന്റെ പിടിയിലായത്. വിഷ്ണു നേരത്തേ മയക്ക് മരുന്ന് ഉപയോഗിച്ച കേസില് പ്രതിയാണ്.
കഴിഞ്ഞ 24 ന് ഉച്ചയ്ക്ക് 1.20ന് എരിപ്പോട് ശക്തി ഓട്ടുകമ്പനിക്ക് സമീപം സ്കൂള് വിദ്യാര്ഥികള്ക്കും മറ്റും വിതരണം ചെയ്യുന്നതിനായി ശ്രമിക്കുമ്പോഴാണ് പിടിയിലായത്. ഇയാളുടെ കൈവശം ഉണ്ടായിരുന്ന 9.16 ഗ്രാം ഹാഷിഷ് ഓയിലും പിടിച്ചെടുത്തു. പുതുക്കാട് പോലീസ് സ്റ്റേഷന് ഇന്സ്പെക്ടര് മഹേന്ദ്ര സിംഹന്, സബ് ഇന്സ്പെക്ടര് എന്. പ്രദീപ്, പ്രൊബേഷന് എസ്.ഐ. വൈഷ്ണവ്, സിവില് പൊലീസ് ഓഫീസര് സുജിത്ത് എന്നിവര് ചേര്ന്നാണ് പ്രതിയെ പിടികൂടിയത്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam