പരിശോധനക്ക് ബൈക്ക് തടഞ്ഞപ്പോൾ 23 കാരന് പരുങ്ങൽ, വണ്ടിക്കുള്ളിൽ ഒളിപ്പിച്ചത് 3 എൽഎസ്‍ഡി സ്റ്റാമ്പുകൾ, അറസ്റ്റിൽ

Published : Dec 25, 2025, 02:40 PM IST
Youth arrested with lsd stamp

Synopsis

അതിനിടെ ക്രിസ്മസ് ന്യൂ ഇയർ സ്പെഷ്യൽ ഡ്രൈവിന്റെ ഭാഗമായി നടത്തിയ പരിശോധനയിൽ കോഴിക്കോട് പുതുപ്പാടിയിൽ 11.69 ഗ്രാം എംഡിഎംഎയുമായി ഒരു യുവാവിനെയും എക്സൈസ് സംഘം പിടികൂടി.

തൃശൂർ: തൃശൂർ കാര്യാട്ടുകരയിൽ ബൈക്കിൽ സൂക്ഷിച്ചിരുന്ന മൂന്ന് LSD സ്റ്റാമ്പുകളുമായി സുദീപ് (28) എന്നയാളെ പിടികൂടി. വാടാനപ്പള്ളി എക്സൈസ് റേഞ്ച് എക്സൈസ് ഇൻസ്പെക്ടർ വി.ജി.സുനിൽകുമാറും പാർട്ടിയും ചേർന്ന് നടത്തിയ പരിശോധനയിൽ മയക്കുമരുന്ന് സ്റ്റാമ്പുകൾ കണ്ടെത്തിയതിനെ തുടർന്ന് പ്രതിയെ തടഞ്ഞു വയ്ക്കുകയും അന്തിക്കാട് റേഞ്ച് എക്സൈസ് ഇൻസ്പെക്ടർ എൻ.രാജേഷും പാർട്ടിയും സ്ഥലത്തെത്തി ഇയാളെ അറസ്റ്റ് ചെയ്യുകയുമായിരുന്നു. അസിസ്റ്റന്റ് എക്സൈസ് ഇൻസ്പെക്ടർ (ഗ്രേഡ്) കെ.എം.സജീവ്, സിവിൽ എക്സൈസ് ഓഫീസർമാരായ ആനന്ദ്.കെ.സി, ജെയ്സൺ.പി.ദേവസി, വനിതാ സിവിൽ എക്സൈസ് ഓഫീസർ നിവ്യ ജോർജ് എന്നിവർ പാർട്ടിയിലുണ്ടായിരുന്നു.

അതിനിടെ ക്രിസ്മസ് ന്യൂ ഇയർ സ്പെഷ്യൽ ഡ്രൈവിന്റെ ഭാഗമായി നടത്തിയ പരിശോധനയിൽ കോഴിക്കോട് പുതുപ്പാടിയിൽ 11.69 ഗ്രാം എംഡിഎംഎയുമായി ബെൻ ജോസഫ് ചെറിയാൻ (32 വയസ്) എന്നയാളെ അറസ്റ്റ് ചെയ്തു. കോഴിക്കോട് എക്സൈസ് എൻഫോഴ്സ്മെന്റ് & ആൻറി നർക്കോട്ടിക് സ്പെഷ്യൽ സ്ക്വാഡ് സർക്കിൾ ഇൻസ്പെക്ടർ പ്രജിത്ത്.എ, അസിസ്റ്റന്റ് എക്സൈസ് ഇൻസ്പെക്ടർ (ഗ്രേഡ്) വിനോദ്.പി, പ്രിവന്റീവ് ഓഫീസർ(ഗ്രേഡ്)മാരായ ഷാജു.സി.പി, അബ്ദുൽ റഹൂഫ്, സിവിൽ എക്സൈസ് ഓഫീസർ വൈശാഖ്.കെ, വനിതാ സിവിൽ എക്സൈസ് ഓഫീസർ ശ്രിജി.കെ, സിവിൽ എക്സൈസ് ഓഫീസർ ഡ്രൈവർ പ്രബീഷ്.എൻ.പി എന്നിവർ അടങ്ങിയ സംഘമാണ് കേസ് കണ്ടെടുത്തത്.

PREV

കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News  അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

 

Read more Articles on
click me!

Recommended Stories

ബൈക്ക് വൈദ്യുതി പോസ്റ്റിൽ ഇടിച്ച് അപകടം, ഓട്ടോ ഡ്രൈവർക്ക് ദാരുണാന്ത്യം
മുഖംമൂടി ധരിച്ചെത്തി, ഭാര്യയുടെ മുന്നിലിട്ട് കല്ലമ്പലത്ത് ഗൃഹനാഥന്‍റെ 2 കാലിലും തുരുതുരാ വെട്ടി; ഒളിവിലായിരുന്ന രണ്ടാം പ്രതിയും പിടിയിൽ