മാസങ്ങളുടെ പ്ലാനിംഗ്, കായംകുളം കെഎസ്ആര്ടിസി സ്റ്റാന്റിൽ കാത്തിരുന്നു; 32 ഗ്രാം എംഡിഎംയുമായി യുവാവ് പിടിയിൽ
Synopsis
കായംകുളം, കൃഷ്ണപുരം എന്നിവടങ്ങൾ കേന്ദ്രമാക്കി വിൽപ്പന നടത്തിവരികയായിരുന്നു.
കായംകുളം: ആലപ്പുഴയിൽ വീണ്ടും വൻ മയക്ക് മരുന്ന് വേട്ട. അതിമാരക മയക്ക് മരുന്നായ 32 ഗ്രാം എം.ഡി.എം.എയു മായി യുവാവ് പിടിയിൽ. കൃഷ്ണപുരം സ്വദേശി തൈയ്യിൽ വീട്ടിൽ വൈശാഖ് (27)നെയാണ് ആലപ്പുഴ ജില്ലാ ലഹരി വിരുദ്ധ സ്ക്വാഡും കായംകുളം പൊലിസും ചേർന്ന് പിടികുടിയത്. അന്യ -സംസ്ഥാനത്തു നിന്ന് എം.ഡി.എം.എ ജില്ലയിലേക്ക് കൊണ്ടുവന്ന് ചില്ലറ വിൽപ്പന നടത്തുന്നുവെന്ന രഹസ്യ വിവരം ലഭിച്ചതിനെ തുടർന്നാണ് പൊലീസ് വൈശാഖിനായി വലവിരിച്ചത്.
കായംകുളം കെ.എസ്.ആര്.ടി.സി ബസ് സ്റ്റാൻഡ് പരിസരത്ത് നടത്തിയ പരിശോധനയിൽ കൈയ്യോടെ വൈശാഖ് പിടിയിലായി. ഇയാൾ കേരളത്തിന് വെളിയില് പോയി വരുമ്പോൾ വൻ തോതിൽ എംഡിഎംഎ കൊണ്ട് വന്ന് കായംകുളം, കൃഷ്ണപുരം എന്നിവടങ്ങൾ കേന്ദ്രമാക്കി വിൽപ്പന നടത്തിവരികയായിരുന്നു. ലഹരി വസ്തുക്കളുമായി ആദ്യമായാണ് ഇയാൾ പിടിയിലാകുന്നത്. മാസങ്ങളായി ജില്ലാ ലഹരി വിരുദ്ധ സ്ക്വാഡ് വൈശാഖിനെ നീരിക്ഷിച്ചു വരികയായിരുന്നു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam