ഗുരുതരമായി പരിക്കേറ്റ സന്ദീപിനെ ഉടൻ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിക്കുകയായിരുന്നു. ചികിത്സയിലിരിക്കേ ഇന്ന് ഉച്ചയോടെ സന്ദീപ് മരണപ്പെടുകയായിരുന്നു.
കോഴിക്കോട്: നടക്കാവ് വച്ച് ബൈക്കും കാറും കൂട്ടിയിടിച്ചുണ്ടായ വാഹനാപകടത്തിൽ പരുക്കേറ്റ യുവാവ് മരിച്ചു. മാനന്തവാടി പെരുവക സുരേഷ്കുമാറിന്റെ (ബാബു) മകൻ സന്ദീപ് (ശരത്-33) ആണ് മരിച്ചത്. സന്ദീപ് സഞ്ചരിച്ചിരുന്ന ബൈക്ക് കാറുമായി കൂട്ടിയിടിക്കുകയായിരുന്നു. ഇന്നലെ രാത്രി പതിനൊന്നരയോടെയായിരുന്നു അപകടം.
ഗുരുതരമായി പരിക്കേറ്റ സന്ദീപിനെ ഉടൻ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിക്കുകയായിരുന്നു. ചികിത്സയിലിരിക്കേ ഇന്നാണ് മരിച്ചത്. കോഴിക്കോട് മെഡിക്കൽ റെപ്രസന്റേറ്റീവ് ആയി ജോലി ചെയ്ത് വരികയായിരുന്നു സന്ദീപ്. അമ്മ :സരോജിനി. ഭാര്യ: ടിന്റു, സഹോദരി :തുഷാര. മൃതദേഹം പോസ്റ്റുമാർട്ടത്തിന് ശേഷം പെരുവകയിലെ വീട്ടുവളപ്പിൽ സംസ്കരിക്കും.