'ഖല്‍ബില് തേനൊഴുകണ കോഴിക്കോട്'; ആ പാട്ട് ഈ കുഞ്ഞ് പാടിയാല്‍...

ഈ കുഞ്ഞുമിടുക്കി മാതാപിതാക്കള്‍ക്കൊപ്പം സ്റ്റേജിലും പാടാറുണ്ട്

കോഴിക്കോട്ടെ മിഠായിത്തെരുവ്, ബീച്ച്, ഉപ്പിലിട്ടത്, സുലൈമാനി... ഇതിനൊക്കെ ആരാധകരേറെയാണ്. അതുപോലെയെല്ലാവര്‍ക്കും ഇഷ്ടമുള്ള പാട്ടാണ് 'ഖല്‍ബില് തേനൊഴുകണ കോഴിക്കോട്' എന്ന പാട്ട്. പാടുന്നത് ഈ കുഞ്ഞുമോളു കൂടിയാകുമ്പോള്‍ പാട്ടിനൊരു പ്രത്യേക മൊഞ്ചുണ്ട്. ഹാര്‍മോണിയത്തിന്‍റെ ശബ്ദം കൂടി പശ്ചാത്തലത്തില്‍ ചേരുമ്പോള്‍ ആ മൊഞ്ച് പൂര്‍ണമാവുന്നു. 

റാസ ആന്‍ഡ് ബീഗം എന്ന ഫേസ് ബുക്ക് പേജിലാണ് സൈനബുല്‍ യുസ്‌റ എന്ന ഈ അഞ്ച് വയസ്സുകാരി കോഴിക്കോടിനെ കുറിച്ച് പാടുന്നത് ഷെയര്‍ ചെയ്തിരിക്കുന്നത്.

ഗസല്‍ ഗായകരായ ഇംതിയാസ് ബീഗത്തിന്റെയും റാസാ റസാഖിന്റെയും മകളാണ് ഈ പാട്ടുകാരി. കല്ലമ്പലം ഓക്‌സ്ഫഡ് ഇംഗ്ലീഷ് സ്‌കൂളില്‍ യു.കെജി വിദ്യാര്‍ത്ഥിനിയാണിപ്പോള്‍. 

'മകള്‍ കുഞ്ഞുനാള്‍ മുതലേ പാടും. മാതാപിതാക്കള്‍ക്കൊപ്പം സ്‌റ്റേജിലും പാടിയിട്ടുണ്ടെ'ന്ന് അമ്മ ഇംതിയാസ് ഏഷ്യാനെറ്റ് ന്യൂസ് ഓണ്‍ലൈനിനോട് പറഞ്ഞു.