​ഗാലന്റൈൻസ് ഡേ

ഫെബ്രുവരി 14 വാലന്റൈൻസ് ഡേയാണ്. പ്രണയദിനം. എന്നാൽ, കാമുകന്മാർക്കൊപ്പം ആഘോഷിക്കാനാവാത്ത പെൺകുട്ടികൾ വിഷമിക്കേണ്ട. അവർക്ക് ​ഗാലന്റൈൻസ് ഡേയുണ്ട്. എന്താണിത്?

പ്രണയത്തേക്കാൾ ഉപരിയായി പെൺസൗഹൃദങ്ങൾ ആഘോഷിക്കാനായി മാറ്റിവെച്ചിട്ടുള്ള ദിവസമാണിത്. എല്ലാ വർഷവും ഫെബ്രുവരി 13 -നാണ് ഇത് ആഘോഷിക്കുന്നത്.

'പാർക്സ് ആൻഡ് റിക്രിയേഷൻ' എന്ന പ്രശസ്തമായ ടിവി ഷോയിലൂടെയാണ് ഈ ആശയം ജനപ്രിയമായത്.

ജീവിതത്തിലെ പ്രധാനപ്പെട്ട സ്ത്രീ സൗഹൃദങ്ങളെ അഭിനന്ദിക്കാനും ആ ബന്ധങ്ങൾ കാത്തുസൂക്ഷിക്കാനും ഈ ദിവസം അവസരമൊരുക്കുന്നു.

സ്നേഹം എന്നത് വെറും പ്രണയബന്ധം മാത്രമല്ലെന്നും, സുഹൃത്തുക്കൾ തമ്മിലുള്ള ആഴത്തിലുള്ള ബന്ധങ്ങൾക്കും വലിയ പ്രാധാന്യമുണ്ടെന്നും ഈ ദിവസം ഓർമ്മിപ്പിക്കുന്നു.

പ്രതിസന്ധി ഘട്ടങ്ങളിൽ താങ്ങായി നിൽക്കുന്ന, ഒരു വിളിപ്പുറത്തുള്ള സുഹൃത്തുക്കളെ ഈ ദിവസം ഓർക്കുകയും കൂടെ ആഘോഷിക്കുകയും ചെയ്യാം.

വാലന്റൈൻസ് ഡേയുമായി ബന്ധപ്പെട്ട വൈകാരികമായ സമ്മർദ്ദങ്ങളില്ലാതെ, തങ്ങൾ തിരഞ്ഞെടുത്ത പ്രിയപ്പെട്ട സുഹൃത്തുക്കളോടൊപ്പം സമയം ചിലവഴിക്കാനുള്ള അവസരമാണിത്.

ഒരുമിച്ചുള്ള ഭക്ഷണം, ഹൃദ്യമായ കുറിപ്പുകൾ കൈമാറൽ, സ്പാ സെഷനുകൾ, അല്ലെങ്കിൽ ദൂരെയുള്ള സുഹൃത്തുക്കളുമായി വീഡിയോ കോളുകൾ ചെയ്യുക എന്നിങ്ങനെ പല രീതിയിൽ ഈ ദിവസം ആഘോഷിക്കാം.