വിദ്യാര്‍ത്ഥികള്‍ക്ക് മുന്നില്‍ തമ്മില്‍ തല്ലി ടീച്ചര്‍മാര്‍

ദെരാബാസി: വിദ്യാര്‍ത്ഥികളെ സാക്ഷിയാക്കി പ്ര​ധാ​നാ​ധ്യ​പി​ക​യും മ​റ്റൊ​രു അ​ധ്യാ​പി​ക​യും തമ്മിൽ തല്ലുന്ന ദൃശ്യങ്ങൾ ചര്‍ച്ചയാകുന്നു. പ​ഞ്ചാ​ബി​ലെ ദെ​രാ ബാ​സി​യി​ലാ​ണ് സം​ഭ​വം ന​ട​ന്ന​ത്. സ്കൂ​ളി​ലെ പ്ര​ധാ​നാ​ധ്യാ​പി​ക വീ​ണ ബാ​സി​യും സ​യ​ൻ​സ് അ​ധ്യാ​പി​ക കൈ​ലാ​ഷ് റാ​ണി​യും ത​മ്മി​ൽ ദീ​ർ​ഘ കാ​ല​മാ​യി അ​ഭി​പ്രാ​യ വ്യ​ത്യാ​സ​ത്തി​ലാ​യി​രു​ന്നു. ഇ​താ​ണ് പരസ്യമായ തമ്മില്‍ തല്ലായി പരിണമിച്ചത്.

പ്ര​ധാ​നാ​ധ്യ​പി​ക​യാ​യ വീ​ണ ബാ​സി​യും സ്കൂ​ളി​ലെ മ​റ്റ് ചി​ല അ​ധ്യാ​പ​ക​രും ജീ​വ​ന​ക്കാ​രും ദീ​ർ​ഘ കാ​ല​മാ​യി സ്കൂ​ളി​ന്‍റെ ഫ​ണ്ട് ദു​ർ​വി​നി​യോ​ഗം ചെ​യ്യു​ന്നു​ണ്ടെന്നാണ് കൈലാഷ് റാണിയുടെ ആരോപണം. അ​തി​ൽ എ​തി​ർ​പ്പു പ്ര​ക​ടി​പ്പി​ച്ച​ ത​ന്നെ സ്കൂ​ളി​ൽ നി​ന്നും സ്ഥ​ലം മാ​റ്റാ​ൻ ശ്രമിച്ചെന്നും ഇ​തി​നെ​തി​രെ കോ​ട​തി​യെ സ​മീ​പി​ച്ച​പ്പോ​ൾ തന്‍റെ സ്ഥ​ലംമാ​റ്റം റ​ദ്ദാ​ക്കിയെന്നും അവർ ആരോപിച്ചു. 

വൈ​സ് ഹെ​ഡ്മി​സ്ട്ര​സി​ന്‍റെ സ്ഥാ​നം വ​ഹി​ക്കാ​ൻ ത​നി​ക്കാ​ണ് യോ​ഗ്യ​ത, എ​ന്നാ​ൽ ത​ന്നെ​ക്കാ​ളും ജൂ​ണി​യ​റാ​യ മ​റ്റൊ​രാ​ൾ​ക്ക് ഈ ​സ്ഥാ​നം ന​ൽ​കി​യി​രി​ക്കു​ക​യാ​ണെന്നും കൈലാഷ് റാണി പറഞ്ഞു. രണ്ടുദിവസതത്തെ അവധിക്കു ശേഷം സ്കൂ​ളി​ലെ​ത്തി​യ​പ്പോ​ൾ ഹെഡ്മിസ്ട്രസും മ​റ്റ് അ​ധ്യാ​പ​ക​രും ചേ​ർ​ന്ന് ത​ന്നെ മ​ർ​ദി​ക്കു​ക​യാ​യി​രു​ന്നുവെന്നും അവർ പരാതിപ്പെട്ടു. 

എന്നാൽ കൈലാഷ് റാണിയാണ് തന്നെയും അ​ധ്യാ​പ​ക​രെയും ആക്രമിച്ചതെന്നാണ് ഹെഡ്മിസ്ട്രസിന്‍റെ വാദം. ന​ട​ന്ന സം​ഭ​വ​ത്തി​ൽ ര​ണ്ടു പേ​ർ​ക്കും പൂ​ർ​ണ ഉ​ത്ത​ര​വാ​ദി​ത്വം ഉ​ണ്ടെ​ന്നാ​ണ് സ്കൂ​ളി​ന്‍റെ ചെ​യ​ർ​മാ​ൻ മ​ൻ​ജി​ത്ത് സിം​ഗ് പ​റ​യു​ന്ന​ത് മാ​ത്ര​മ​ല്ല ഇ​ത്ത​ര​ത്തി​ലു​ള്ള സം​ഭ​വ​മാ​ണ് സ്കൂ​ളി​ന്‍റെ സൽപ്പേര് നഷ്ടമാകുന്നതിനും പ​രീ​ക്ഷ​ക​ളി​ൽ കു​ട്ടി​ക​ൾ​ക്ക് മി​ക​ച്ച വി​ജ​യം നേ​ടാ​ൻ ക​ഴി​യാ​തെ പോ​കു​ന്ന​തി​നും കാ​ര​ണ​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.