ഡയറക്ട് സെല്ലിങിന് നിയമവും മണി ചെയ്നുകള്ക്ക് നിയന്ത്രണവും വേണം: അസോചം
Synopsis
പിരമിഡ്, മണി സര്ക്കുലേഷന് പോലുളള തട്ടിപ്പുകളുമായി ബന്ധപ്പെട്ട് നേരിട്ടുളള വില്പ്പന വ്യവസായ മേഖല ഒരുപാട് തെറ്റിദ്ധരിക്കപ്പെടുന്നു
ദില്ലി: അന്താരാഷ്ട്ര വ്യവസായ സംഘടനയായ അസോചത്തിന്റെ ഇന്ത്യന് വിഭാഗമായ അസോചം ഇന്ത്യ ഡയറക്ട് സെല്ലിങ് (നേരിട്ടുളള വില്പ്പന) വ്യവസായത്തില് നിലപാട് കടുപ്പിക്കുന്നു. 2016 ല് നേരിട്ടുളള വില്പ്പന സംബന്ധിച്ച് ഉപഭോക്തൃകാര്യ മന്ത്രാലയം മാര്ഗനിര്ദേശങ്ങള് പ്രഖ്യാപിച്ചിരിന്നെങ്കിലും ഇതുവരെ തുടര് നടപടി സ്വീകരിച്ചിരുന്നില്ല.
ഈ സാഹചര്യത്തിലാണ് അസോചം നിലപാട് കടുപ്പിച്ചത്. പിരമിഡ്, മണി സര്ക്കുലേഷന് പോലുളള തട്ടിപ്പുകളുമായി ബന്ധപ്പെട്ട് നേരിട്ടുളള വില്പ്പന വ്യവസായ മേഖല ഒരുപാട് തെറ്റിദ്ധരിക്കപ്പെടുന്നുണ്ട്. മാര്ഗ്ഗനിര്ദ്ദേശങ്ങള് അടിയന്തിരമായി നടപ്പാക്കി ഈ മേഖലയിലെ നല്ല പ്രവണതകളെ നിലനിറുത്തുകയും അല്ലാത്തവയെ ഒഴിവാക്കുകയും വേണമെന്നാണ് അസോചത്തിന്റെ പ്രധാന ആവശ്യം.
നേരിട്ടുളള വില്പ്പന വ്യവസായത്തിനായി പ്രത്യേക നിയമം വേണമെന്ന ആവശ്യവും അസോചത്തിനുണ്ട്. പ്രാദേശിക അതോറിറ്റികളില് നിന്ന് നിരവധി പ്രതിസന്ധികള് ഈ മേഖല അഭിമുഖീകരിക്കുന്നുണ്ട്. ഡയറക്ട് സെല്ലിംഗിനെ ഒരു സംരംഭമെന്ന നിലയ്ക്കുപോലും പല ദേശീയ ബാങ്കുകളും അംഗീകരിക്കാത്തതിനാല് ഈ മേഖലയിലെ സംരംഭങ്ങള്ക്ക് വായ്പകള് ലഭിക്കുക പ്രയാസമാണ്.
ഏറ്റവും പുതിയ ബിസിനസ് വാർത്തകളുമായി Money News അപ്പ്ഡേറ്റായി തുടരൂ — മാർക്കറ്റ് ട്രെൻഡുകൾ, Share Market News വാർത്തകളുമായി Tax News, IPO, ബാങ്കിംഗ്, ഫിനാൻസ്, റിയൽ എസ്റ്റേറ്റ്, നിക്ഷേപം, സമ്പാദ്യം തുടങ്ങി സമഗ്രമായ വിവരങ്ങൾ നിങ്ങളുടെ കൈവശം. ദിവസേനയുള്ള Gold Rate Today സ്വർണവില മാറ്റങ്ങൾ എട്ടാം ശമ്പള കമ്മീഷൻ തുടങ്ങിയ വിഷയങ്ങളിലെ ഏറ്റവും പുതിയ അപ്ഡേറ്റുകളും വിദഗ്ധ വിശകലനങ്ങളും അറിയൂ.