ഡോളറിനെതിരെ രൂപ തകര്‍ച്ചയില്‍ നിന്ന് കരകയറുന്നു

രാവിലെ ഡോളറിനെതിരെ ഏറ്റവും താഴ്ന്ന നിരക്കായ 74.45 എന്ന നിലയിലേക്ക് കൂപ്പുകുത്തിയ ഇന്ത്യന്‍ നാണയം. ഉച്ചയ്ക്ക് ശേഷം 31 പൈസ മെച്ചപ്പെട്ട് ഡോളറിനെതിരെ 74.14 എന്ന ഭേദപ്പെട്ട നിലയിലെത്തി. 

മുംബൈ: രൂപയുടെ മൂല്യത്തില്‍ ചെറിയ മുന്നേറ്റം. ഒടുവില്‍ വിവരം ലഭിക്കുമ്പോള്‍ ഡോളറിനെതിരെ രൂപയുടെ മൂല്യം 74.14 എന്ന നിലയിലാണ്. രാവിലെ ചരിത്രത്തിലെ ഏറ്റവും വലിയ ഇടിവ് രേഖപ്പെടുത്തിയ രൂപയ്ക്ക് പക്ഷേ ഇപ്പോഴും 73 ലേക്ക് തിരികെക്കയറാനായിട്ടില്ല.

രാവിലെ ഡോളറിനെതിരെ ഏറ്റവും താഴ്ന്ന നിരക്കായ 74.45 എന്ന നിലയിലേക്ക് കൂപ്പുകുത്തിയ ഇന്ത്യന്‍ നാണയം. ഉച്ചയ്ക്ക് ശേഷം 31 പൈസ മെച്ചപ്പെട്ട് ഡോളറിനെതിരെ 74.14 എന്ന ഭേദപ്പെട്ട നിലയിലെത്തി. 

രൂപയുടെ മൂല്യത്തില്‍ ആശാവഹമായ മുന്നേറ്റം പ്രകടിപ്പിക്കാത്തത് രാജ്യത്ത് വലിയ ആശങ്കയാണ് സൃഷ്ടിക്കുന്നത്. ക്രൂഡ് ഓയിലിന്‍റെ വില ഇപ്പോഴും ബാരലിന് 80 ഡോളര്‍ എന്ന നിലയില്‍ തുടരുകയാണ്. ബാരലിന് 82 ഡോളറാണ് ഇന്നത്തെ ക്രൂഡ് ഓയിലിന്‍റെ വില.