രാജ്യത്തെ ഓഹരി വിപണികൾ ഇന്ന് നഷ്ടത്തിൽ. കാര്യമായ കയറ്റിറക്കങ്ങളില്ലാതെയാണ് വിപണിയിൽ വ്യാപാരം പുരോഗമിക്കുന്നത്. ആഗോള വിപണികൾ നേട്ടത്തിലാണെങ്കിലും കന്പനികളുടെ മൂന്നാംപാദ ഫലങ്ങൾ പ്രതീക്ഷിച്ച തോതിലേക്ക് ഉയരാത്തതും രൂപയുടെ മൂല്യത്തകർച്ചയുമാണ് വിപണിയിലെ നഷ്ടത്തിന് ആധാരം.
ഐ.ടി കന്പനികളാണ് ഇന്ന് നഷ്ടപ്പട്ടികയിൽ മുന്നിൽ. ടി.സി.എസ്, ഇൻഫോസിസ്, ടാറ്റ മോട്ടോഴ്സ് എന്നിവ നഷ്ടപ്പട്ടികയിൽ മുന്നിൽ നിൽക്കുന്നു. അതേസമയം ഗെയിൽ, ഒ.എൻ.ജി.സി, ആക്സിസ് ബാങ്ക് എന്നിവ നേട്ടത്തിലാണ്. ഡോളറുമായുള്ള വിനിമയത്തിൽ രൂപ വീണ്ടും താഴേക്ക് പതിച്ചു. 15 പൈസയുടെ നഷ്ടത്തോടെ 68 രൂപ 23 പൈസയിലാണ് നിലവിൽ രൂപയുടെ വ്യാപാരം.