ദില്ലി: ജാപ്പനീസ് വാഹന നിര്‍മാതാക്കളായ നിസ്സാന്‍ മൈക്രയുടെ ഓട്ടോമാറ്റിക് വേര്‍ഷന്‍ പുറത്തിറക്കി. സി വി ടി സാങ്കേതിക വിദ്യയില്‍ എത്തുന്ന കാറിന് അഞ്ചു ലക്ഷത്തി തൊണ്ണൂറ്റിയൊമ്പതിനായിരം രൂപയാണ് ദില്ലിയിലെ എക്‌സ് ഷോറൂം വില. പുറമേ കാര്യമായ മാറ്റങ്ങളില്ലെങ്കിലും ഇന്റീരിയറില്‍ പുതുമയുമായാണ് മൈക്ര ഓട്ടോമാറ്റിക് എത്തിയിരിക്കുന്നത്. സണ്‍ഷൈന്‍ ഓറഞ്ച് നിറത്തിലുള്ള മൈക്രയും നിസാന്‍ അവതരിപ്പിച്ചു. ഓട്ടോമാറ്റിക്കില്‍ മാനുവലിനേക്കാള്‍ അധികം മൈലേജ് ലഭിക്കുമെന്നാണ് നിസാന്റെ അവകാശവാദം. ലിറ്ററിന് 23.08 കിലോമീറ്റര്‍ മൈലേജാണ് നിസാന്റെ വാഗ്ദാനം. കയറ്റുമതി കൂടി ലക്ഷ്യമിട്ടാണ് നിസാന്‍ പുതിയ മൈക്ര വിപണിയില്‍ എത്തിച്ചിരിക്കുന്നത്. 100 രാജ്യങ്ങളിലേക്ക് മൈക്ര കയറ്റി അയക്കുന്നുണ്ട്.