പെട്രോള്‍-ഡീസല്‍ വിലയില്‍ നേരിയ വര്‍ധന

ദില്ലി: രാജ്യത്തെ പെട്രോള്‍-ഡീസല്‍ വിലയില്‍ നേരിയ വര്‍ധന. പെട്രോളിന് ലിറ്ററിന് 14 പൈസയും ഡീസലിന് 10 പൈസയും എണ്ണക്കമ്പനികൾ കൂട്ടി. ഡീലർമാരുടെ കമ്മീഷൻ കൂട്ടിയതിനെതുടർന്നാണ് ഇന്ധനവിലയും കൂട്ടിയത്.

പുതിയ നിരക്ക് ഇന്ന് അർദ്ധരാത്രി മുതൽ നിലവിൽ വരും. തിരുവനന്തപുരത്ത് പെട്രോളിന് 68 രൂപ 64പൈസയും ഡീസലിന് 57 രൂപ 54 പൈസയുമാണ് നിരക്ക്.

ഈ മാസം 30ന് എണ്ണക്കമ്പനികളുടെ ദ്വൈവാര അവലോകന യോഗത്തിൽ പെട്രോളിന് 36 പൈസ കൂട്ടുകയും ഡീസലിന് 7 പൈസ കുറയ്ക്കുകയും ചെയ്തിരുന്നു