വിപണിയിൽ അടിതെറ്റി റിലയൻസ്​ കമ്യൂണിക്കേഷൻസ്

ഇൗ സാമ്പത്തിക വർഷത്തി​ൻ്റെ ആദ്യപാദത്തിൽ റിലയൻസ്​ കമ്യൂണിക്കേഷൻസിന്​ വൻ നഷ്​ടത്തി​ൻ്റെ ബാലൻസ്​ ഷീറ്റ്​. 1210 കോടി രൂപയുടെ നഷ്​ടം വഴി കമ്പനി സാക്ഷ്യം വഹിച്ചത്​ 33 ശതമാനത്തി​ൻ്റെ ഇടിവാണ്​. 3591 കോടിയുടെ കുറവാണ്​ വരുമാനത്തിൽ ഉണ്ടായത്​. ചിലസമയങ്ങളിൽ കമ്പനി വൻ വ്യാപാര നഷ്​ടമാണ്​ നേരിടുന്നത്​.

കഴിഞ്ഞ മാർച്ചിൽ അവസാനിച്ച  2016 -17 സാമ്പത്തിക വർഷത്തിലെ അവസാന പാദത്തിൽ കമ്പനി 948 കോടിയുടെ നഷ്​ടമാണ്​ അനുഭവിച്ചത്​. കമ്പനിയുടെ ഒാഹരി വില ശനിയാഴ്​ച ബി.എസ്​.ഇയിൽ 20.75ൽ നിന്ന്​ 2.12 ശതമാനം താഴ്​ന്നു.

എയർസെല്ലുമായി കമ്പനി ലയിപ്പിക്കുന്നതിനുള്ള തീരുമാനം അവലോകനം ചെയ്യാൻ കമ്പനി ബോർഡ്​ ​യോഗം ചേർന്നതിനിടെയാണ്​ ഇത്​. ലയനം സെപ്​റ്റംബറിൽ പൂർത്തിയാക്കാനാണ്​ കമ്പനി ലക്ഷ്യമിടുന്നത്​. അനിൽ അംബാനിയാണ്​ റിലയൻസ്​ കമ്യൂണിക്കേഷൻസി​ൻ്റെ തലപ്പത്ത്​.