തിരുവനന്തപുരം: ശബരിമല വിമാനത്താവളം എരുമേലിയില്‍ തന്നെ സ്ഥാപിക്കുമെന്ന് ഉറപ്പായി. വിമാനത്താവളം നിര്‍മിക്കുന്നതിനായി എരുമേലിയിലെ ചെറുവള്ളി എസ്റ്റേറ്റ് തിരഞ്ഞെടുത്തതായി സംസ്ഥാന സര്‍ക്കാര്‍ ഇന്ന് നിയമസഭയെ അറിയിച്ചു.
വിമാനത്താവളപദ്ധതിയുടെ സാധ്യത പഠനവും പരിസ്തിഥി ആഘാത പഠനവും മാര്‍ച്ച് 31-നകം പൂര്‍ത്തിയാക്കും. ലൂയീസ് വെല്‍വേ കണ്‍സല്‍ട്ടിംഗ് കമ്പനിയെ ഈ ദൗത്യം ഏല്‍പിച്ചു കഴിഞ്ഞെന്നും പി.സി.ജോര്‍ജ് എംഎല്‍എയുടെ സബ് മിഷന് മറുപടിയായി സംസ്ഥാന സര്‍ക്കാര്‍ അറിയിച്ചു.