മൊബൈല് ആപ്പിലൂടെ ഓഹരി വിപണിയിലിറങ്ങുന്നവര് ജാഗ്രതൈ!
Synopsis
ഓഹരികള് വില്ക്കാനും വാങ്ങാനുമായി നിരവധി മൊബൈല് ആപ്പുകള് സൈബര് ലോകത്ത് ഇന്ന് ലഭ്യമാണ്
ദില്ലി: ഓഹരി വിപണിയില് ഇടപാടുകള് മൊബൈലിലൂടെ നടത്തുന്നവര് ദിനംപ്രതി കൂടിവരുന്ന സാഹചര്യത്തില് പുതിയ മാര്ഗ്ഗനിര്ദ്ദേശങ്ങളുമായി സെക്യൂരിറ്റീസ് ആന്ഡ് എക്സ്ചേഞ്ച് ബോര്ഡ് (സെബി) എത്തുന്നു. ഓഹരികള് വില്ക്കാനും വാങ്ങാനുമായി നിരവധി മൊബൈല് ആപ്പുകള് സൈബര് ലോകത്ത് ഇന്ന് ലഭ്യമാണ്.
ആപ്പുകള് വര്ദ്ധിച്ചതോടെ ഓഹരി ഇടപാടുകളില് കുറ്റകൃത്യങ്ങളും വര്ദ്ധിച്ചു. ഇതിനെതുടര്ന്നാണ് ഇത്തരം ആപ്പുകള്ക്ക് മൂക്കുകയറിടന് സെബി പുതിയ നിയമങ്ങളുമായെത്തുന്നത്. ഇനി മുതല് ഇത്തരം വ്യാപാരങ്ങള്ക്ക് ബയോമെട്രിക്ക് പരിശോധനകള് കര്ശനമാകും. ആപ്പിലൂടെ വിപണിയിലേക്കിറങ്ങുന്ന വ്യാപാരികളുടെയും നിക്ഷേപകരുടെയും ആധികാരികത ഉറപ്പാക്കാനും വിപണിയെ സുരക്ഷിതമാക്കാനും ഈ നടപടി ഉപകരിക്കുമെന്ന് സെബി അറിയിച്ചു.
സെബിയുടെ നിര്ദ്ദേശം നടപ്പില് വരുമ്പോള് ചെറുകിട ഉപഭോക്താക്കള് ടച്ച് ഐഡിയുളള ഉയര്ന്ന വിലയുളള ഫോണുകള് ഉപയോഗിക്കാന് നിര്ബന്ധിതമാവും. വ്യാപാരത്തിലേര്പ്പെടാനും ഡിമാറ്റ് അക്കൗണ്ടുകളുപയോഗിക്കാനും ബയോമെട്രിക്ക് വിവരങ്ങള് സേവനദാതാവിന് നല്കേണ്ടിയും വരും.
ഏറ്റവും പുതിയ ബിസിനസ് വാർത്തകളുമായി Money News അപ്പ്ഡേറ്റായി തുടരൂ — മാർക്കറ്റ് ട്രെൻഡുകൾ, Share Market News വാർത്തകളുമായി Tax News, IPO, ബാങ്കിംഗ്, ഫിനാൻസ്, റിയൽ എസ്റ്റേറ്റ്, നിക്ഷേപം, സമ്പാദ്യം തുടങ്ങി സമഗ്രമായ വിവരങ്ങൾ നിങ്ങളുടെ കൈവശം. ദിവസേനയുള്ള Gold Rate Today സ്വർണവില മാറ്റങ്ങൾ എട്ടാം ശമ്പള കമ്മീഷൻ തുടങ്ങിയ വിഷയങ്ങളിലെ ഏറ്റവും പുതിയ അപ്ഡേറ്റുകളും വിദഗ്ധ വിശകലനങ്ങളും അറിയൂ.