സംസ്ഥാനത്ത് മരുന്ന് വില ഗണ്യമായി കുറയും
Synopsis
തിരുവനന്തപുരം: സംസ്ഥാനത്ത് മരുന്ന് വില ഗണ്യമായി കുറയും. ജി എസ് ടി വന്നതോടെ നികുതിയില് 7 ശതമാനം കുറവുണ്ടായതോടെയാണ് ഇത് . അതേസമയം പുതിയ വില രേഖപ്പെടുത്തി മരുന്നുകളെത്താന് സമയമെടുക്കുമെന്നതിനാല് ആദ്യ ഘട്ടത്തില് മരുന്ന് ക്ഷാമമുണ്ടാകാനും സാധ്യതയുണ്ട്. ജി എസ് ടി വന്നതോടെ 12ശതമാനമായിരുന്നു മരുന്നുകളുടെ നികുതി.
ഇതാണ് 5ശതമാനത്തിലേക്ക് കുറച്ചത്. അതായത് 7ശതമാനം കുറവുണ്ടായി. ഇതോടെ വിപണിയിലുള്ള 90 ശതമാനം മരുന്നുകളുടെ വിലയും ഗണ്യമായി കുറയും . മരുന്നുകളുടെ നികുതിയുടെ കാര്യത്തില് വ്യാപക പ്രതിഷേധമുയര്ന്നതോടെയാണ് കേന്ദ്രമന്ത്രിസഭ യോഗം പുതിയ തീരുമാനമെടുത്തത്. അതേസമയം ജൂലൈ ഒന്നിനുശേഷം ജി എസ് ടി പ്രഖ്യാപിച്ച അടിസ്ഥാന വിലയുടെ കൂടി 12ശതമാനം നികുതി കൂടി കൂട്ടിയാണ് മരുന്നുകളുടെ എം ആര് പി നിശ്ചയിച്ച് പുതിയ സ്റ്റോക്ക് എത്തിയത്.
കംപ്യൂട്ടറുകളിലും ഈ വില നിലവാരം വന്നുകഴിഞ്ഞു. ഇനി കടകളിലെ സോഫ്റ്റ് വെയറില് പുനക്രമീകരണം നടത്തുന്നകതിനൊപ്പം പുതുക്കിയ കുറഞ്ഞ വില രേഖപ്പെടുത്തി പുതിയ സ്റ്റോക്കുമെത്തണം . അതുകൊണ്ട് തന്നെ പുതിയ നിരക്കിലേക്ക് പോകാന് കാലതാമസം നേരിടും. ഈ കാലതാമസം വരുന്നതോടെ മരുന്നുകള്ക്ക് ക്ഷാമവും നേരിടുമെന്നുറപ്പായി.
ഏറ്റവും പുതിയ ബിസിനസ് വാർത്തകളുമായി Money News അപ്പ്ഡേറ്റായി തുടരൂ — മാർക്കറ്റ് ട്രെൻഡുകൾ, Share Market News വാർത്തകളുമായി Tax News, IPO, ബാങ്കിംഗ്, ഫിനാൻസ്, റിയൽ എസ്റ്റേറ്റ്, നിക്ഷേപം, സമ്പാദ്യം തുടങ്ങി സമഗ്രമായ വിവരങ്ങൾ നിങ്ങളുടെ കൈവശം. ദിവസേനയുള്ള Gold Rate Today സ്വർണവില മാറ്റങ്ങൾ എട്ടാം ശമ്പള കമ്മീഷൻ തുടങ്ങിയ വിഷയങ്ങളിലെ ഏറ്റവും പുതിയ അപ്ഡേറ്റുകളും വിദഗ്ധ വിശകലനങ്ങളും അറിയൂ.