'മനോഹര'ത്തിലെ സോംഗ് ടീസര് പുറത്തിറങ്ങി; നായകനായി വിനീത് ശ്രീനിവാസൻ
Synopsis
സഞ്ജീവ് ടിയാണ് ചിത്രത്തിലെ ഗാനങ്ങൾ ഒരുക്കിയിരിക്കുന്നത്
ഓര്മ്മയുണ്ടോ ഈ മുഖം എന്ന ചിത്രത്തിന് ശേഷം അന്വര് സാദിഖും വിനീത് ശ്രീനിവാസനും വീണ്ടും ഒന്നിക്കുന്ന ചിത്രമാണ് 'മനോഹരം'. ടെക്നോളജിയുടെ കടന്നുവരവോടെ തൊഴില് ഭീഷണി നേരിടുന്ന ഒരു ആര്ട്ടിസ്റ്റാണ് വിനീത് ചിത്രത്തിലെത്തുന്നത്. ചിത്രത്തിലെ ആദ്യ സോംഗ് ടീസർ പുറത്തിറങ്ങി.
സഞ്ജീവ് ടിയാണ് ചിത്രത്തിലെ ഗാനങ്ങൾ ഒരുക്കിയിരിക്കുന്നത്. അപര്ണ ദാസ്, ഹരീഷ് പേരടി, ഇന്ദ്രന്സ്, കലാരഞ്ജിനി, സംവിധായകരായ വി കെ പ്രകാശ്, ജൂഡ് ആന്തണി ജോസഫ്, ബേസില് ജോസഫ് എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. പാലക്കാട് ആയിരുന്നു ചിത്രത്തിന്റെ പ്രധാന ലൊക്കേഷന്. ചക്കാലക്കല് ഫിലിംസിന്റെ ബാനറില് ജോസ് ചക്കാലയ്ക്കല്, സുനില് എകെ എന്നിവര് ചേര്ന്നാണ് ചിത്രം നിര്മ്മിച്ചിരിക്കുന്നത്.