ഈ പാട്ട് പ്രൊഡ്യൂസ് ചെയ്യുക മാത്രമാണ് ചെയ്തത്. സത്യജിത്തിന്റെ പേര് കമ്പോസർ ആയും തന്‍റെ പേര് മ്യൂസിക് പ്രൊഡ്യൂസർ ആയും വയ്ക്കാനാണ് 24/7 എന്ന ഓഡിയോ കമ്പനിയോട് ആവശ്യപ്പെട്ടതെന്നും ഷാൻ പറയുന്നു.
കൊച്ചി: ഒരു അഡാര്‍ ലവ് എന്ന ചിത്രത്തിലെ 'ഫ്രീക്ക് പെണ്ണെ' എന്ന ഗാനം മോഷ്ടിച്ചെന്ന ആരോപണത്തിന് സംഗീത സംവിധായകൻ ഷാൻ റഹ്മാൻ മറുപടിയുമായി രംഗത്ത്. സ്വന്തമായി ചിട്ടപ്പെടുത്തിയിട്ടില്ലാത്ത പാട്ടുകളുടെ അവകാശം ഒരിക്കലും താന്‍ അവകാശപ്പെട്ടിരുന്നില്ലെന്നാണ് സംഗീത സംവിധായകന്‍ പറയുന്നത്. ഈ പാട്ട് പ്രൊഡ്യൂസ് ചെയ്യുക മാത്രമാണ് ചെയ്തത്. സത്യജിത്തിന്റെ പേര് കമ്പോസർ ആയും തന്‍റെ പേര് മ്യൂസിക് പ്രൊഡ്യൂസർ ആയും വയ്ക്കാനാണ് 24/7 എന്ന ഓഡിയോ കമ്പനിയോട് ആവശ്യപ്പെട്ടതെന്നും ഷാൻ പറയുന്നു.
യുട്യൂബിലും മറ്റ് പ്ലാറ്റ്ഫോമിലും നൽകിയിട്ടുള്ള വിവരങ്ങളിൽ ഉടൻ തന്നെ മാറ്റം വരുത്തുമെന്നും ഷാൻ കൂട്ടിച്ചേർത്തു. സോഷ്യല്‍ മീഡിയ പോസ്റ്റിലൂടെയായിരുന്നു പ്രതികരണം. ഗാനം റിലീസ് ചെയ്തപ്പോൾ ഡിസ്‌ലൈക്കുകൾ വന്നിരുന്നു. ഇത് കാരണം പിന്നീട് യൂട്യൂബിൽ ഗാനം ശ്രദ്ധിച്ചില്ലെന്നാണ് ഷാന്‍ പറയുന്നത്. പാട്ട് പ്രൊഡ്യൂസ് ചെയ്തതും അറൈഞ്ച് ചെയ്തതും ഷാൻ റഹ്മാൻ എന്ന് ഇടുന്ന രീതിയാണ് ഓഡിയോ കമ്പനികൾക്കുണ്ട്. ഗായകരുടെ പേരുകളും മറ്റും യുട്യൂബിൽ കൃത്യമായാണോ നൽകിയിരിക്കുന്നതെന്ന് നോക്കുന്നത് ചലച്ചിത്ര നിർമാതാക്കള്‍ ചെയ്യേണ്ടതാണ്.
ഇന്ന് മുതൽ ഈ പാട്ട് എവിടെയുണ്ടോ അവിടെ എല്ലായിടത്തും മാറ്റങ്ങൾ വരുത്തും. സത്യജിത്തിന് സമാധാനമാകുമെന്ന് വിശ്വസിക്കുന്നുവെന്നും ഷാൻ തന്‍റെ വിശദീകരണ കുറിപ്പില്‍ പറയുന്നു.
പ്രേക്ഷകർക്കായി ഒരു പാട് ഗാനങ്ങള്‍ ഒരുക്കിയിട്ടുണ്ട്. പട്ടണത്തിൽ ഭൂതം മുതൽ മലർവാടി, തട്ടം, ഗോദ, മിന്നൽ, ജിമിക്കി, കുടുക്ക് വരെ. അടിച്ചു മാറ്റി എന്ന ആരോപണം ഇതുവരെ കിട്ടിയിട്ടില്ല. ചെയ്ത എല്ലാ പാട്ടുകളിലും വച്ച് നോക്കുമ്പോൾ ഫ്രീക്ക് പെണ്ണ് ഒരു അടിച്ചു മാറ്റൽ ആണെങ്കിൽ ആ അബദ്ധ ധാരണ തിരുത്തപ്പെടേണ്ടതാണെന്നും ഷാൻ 'ഒരു ഫ്രീക്ക് പെണ്ണ് സ്റ്റോറി' എന്ന പേരില്‍ എഴുതിയ പോസ്റ്റില്‍ പറയുന്നു.
ഒരു ഫ്രീക്ക് പെണ്ണ് സ്റ്റോറി
‘ഒരു അഡാർ ലവ്’ എന്ന സിനിമ വന്നപ്പോൾ സംവിധായകൻ ഒമർ ലുലു ഒരു സോഷ്യൽ മീഡിയയിൽ കണ്ട ഒരു ഗാനം ചിത്രത്തില്‍ അവതരിപ്പിക്കാന്‍ ആഗ്രഹമുണ്ടെന്ന് അറിയിച്ചു. പുതുമുഖത്തിന് ഒരു അവസരം നൽകണമെന്ന് അദ്ദേഹം ആഗ്രഹിച്ചിരുന്നു. ഞങ്ങൾ അതുമായി മുന്നോട്ട് പോയി കാക്കനാട്ടെ എന്റെ വീട്ടിൽ വച്ചാണ് സത്യജിത്തിനെ കണ്ടത്, അവിടെ അദ്ദേഹം എന്നെ പാട്ട് കേള്‍പ്പിച്ചു. എനിക്ക് അത് ഇഷ്ടപ്പെട്ടു. യഥാർത്ഥ വരികൾ നിലനിർത്തി അത് പ്രൊഡ്യൂസ് ചെയ്യാം എന്ന് സമ്മതിക്കുകയും സത്യജിത്തിന്റെ ശബ്ദത്തിൽ എന്റെ സ്റ്റുഡിയോയിൽ റെക്കോർഡ് ചെയ്യുകയും ചെയ്തു.
ഒമറും ഞാനും ചെയ്തത് സോഷ്യൽ മീഡിയയിലെ അത്തരം നിരവധി ഗാനങ്ങൾക്കിടയിൽ നഷ്‌ടപ്പെടുമായിരുന്ന ഒരു ഗാനം പ്രൊഡ്യൂസ് ചെയ്യാന്‍ സഹായിക്കുക മാത്രമാണ് ചെയ്തത്. ഞാൻ ചിട്ടപ്പെടുത്താത്ത പാട്ടുകളുടെ ക്രെഡിറ്റ് ഞാൻ ഒരിക്കലും എടുത്തിട്ടില്ല. അതേ സിനിമയിലെ ‘മാണിക്യ മലരായ പൂവി’ എന്ന ഗാനം ഉൾപ്പെടെ. പരിചയമില്ലാത്തവർക്ക്, അത്തരം വിഭാഗങ്ങളിലെ കലാകാരന്മാരെ (RAP) RAPPERS ആയാണ് കണക്കാക്കുന്നു, സംഗീതസംവിധായകരല്ല, അവർക്ക് ഗായകരും ഗാനരചയിതാക്കളും എന്ന നിലയിൽ ക്രെഡിറ്റ് നൽകുന്നു. നിങ്ങൾ EMINEM-നെ സംഗീതസംവിധായകനല്ല, റാപ്പർ എന്ന് വിളിക്കുന്നത് പോലെ. ജേക്കബിന്‍റെ സ്വർഗരാജ്യത്തിലെ "എന്നിലേറിഞ്ഞു തുടങ്ങുന്ന തീക്കനൽ", കിംഗ് ഓഫ് കൊത്തയിലെ ടൈറ്റില്‍ ട്രാക്ക് ചെയ്ത Rzee, Fejo തുടങ്ങിയ നിരവധി റാപ്പർമാർക്കൊപ്പം ഞാൻ പ്രവർത്തിച്ചിട്ടുണ്ട്.
ഫ്രീക്ക് പെണ്ണെ അതിന്‍റെ മ്യൂസിക്ക് പ്രൊഡക്ഷനെ ആശ്രയിച്ച് ഹിറ്റായ പാട്ടാണ്. അല്ലെങ്കിൽ പാട്ട് നടക്കില്ലായിരുന്നു. ഞാൻ പൂർണ്ണമായി ആസ്വദിച്ച് ചെയ്ത ഗാനമാണത്. ഇത് ഒരു റാപ്പ് ഗാനമാണ്. പാട്ട് റിലീസ് ചെയ്തപ്പോൾ, എന്തോ കാരണത്താല്‍ ഡിസ്‌ലൈക്കുകൾ ലഭിച്ചതിനാൽ എനിക്ക് വലിയ വേദനയുണ്ടായി. മ്യൂസിക് 24/7 എന്ന ഓഡിയോ കമ്പനിയോട് സത്യജിത്തിന്റെ പേര് കമ്പോസർ ആയും എന്റെ പേര് മ്യൂസിക് പ്രൊഡ്യൂസർ ആയും ഇടാൻ ഞാൻ പറഞ്ഞിരുന്നു.
യൂട്യൂബ് അത് വരും ദിവസങ്ങളില്‍ മാറ്റും, ഒരുപാട് ഡിസ്‌ലൈക്കുകൾ കണ്ടപ്പോൾ വേദന തോന്നി ആദ്യ ദിവസം മുതല്‍ ഞാന്‍ ആ പാട്ട് കണ്ടിരുന്നില്ല. അടിസ്ഥാനപരമായി ഓഡിയോ കമ്പനികൾക്ക് "സംഗീതം രചിച്ചതും നിർമ്മിച്ചതും ക്രമീകരിച്ചതും ഷാൻ റഹ്മാൻ" എന്ന് ഇടുന്ന ഒരു പൊതു ടെംപ്ലേറ്റ് ഉണ്ട്. അതിലെ എല്ലാ പാട്ടുകൾക്കും അവർ അത് ഇടാറുണ്ട്. ഗായകരുടെ പേരുകളും കാര്യങ്ങളും പോലുള്ള വിശദാംശങ്ങൾ ചലച്ചിത്ര നിർമ്മാതാക്കളാണ് ശ്രദ്ധിക്കാറ്. ഇന്ന് മുതൽ എല്ലാം മാറും, സത്യജിത്ത് സമാധാനം കണ്ടെത്തുമെന്ന് പ്രതീക്ഷിക്കുന്നു.
ഞങ്ങൾ അവസരങ്ങൾ നൽകുമ്പോൾ ആളുകൾ അത് നിസ്സാരമായി എടുക്കുന്നത് കാണുമ്പോൾ ശരിക്കും സങ്കടമുണ്ട്. ഭാവിയിൽ അത്തരം അവസരങ്ങൾ നൽകുന്നതിന് മുമ്പ് ഇത് എന്നെ രണ്ടുതവണ ചിന്തിക്കാൻ പ്രേരിപ്പിക്കും. അതിശയകരമായ ചില ഗാനങ്ങൾ സൃഷ്ടിക്കാനും മികച്ച കരിയറിനും സത്യജിത്തിന് എന്റെ ആത്മാർത്ഥമായ ആശംസകൾ.
നിങ്ങൾക്കെല്ലാം വേണ്ടി ഞാൻ ഒരുപാട് പാട്ടുകൾ ചിട്ടപ്പെടുത്തിയിട്ടുണ്ട്. പട്ടണത്തിൽ ഭൂതം മുതൽ മലർവാടി, തട്ടം, ജെഎസ്ആർ, ഗോദ, മിന്നൽ, ജിമിക്കി, കുടുക്ക്. അടിച്ചു മാറ്റി എന്ന പ്രയോഗം ഇതുവരെ കേള്‍പ്പിച്ചിട്ടില്ല. ഞാൻ ചെയ്ത എല്ലാ പാട്ടുകള്‍ക്കിടയില്‍ ഫ്രീക്ക് പെണ്ണ് ഒരു അടിച്ചു മാറ്റൽ ആണെങ്കിൽ, എനിക്കത് തിരുത്തണം.
'ഐ ആം എ ഗോള്‍ഡ്'; അര്‍ജുന്‍ അശോകന്‍റെ ആലാപനത്തില്‍ 'കാസര്‍ഗോള്‍ഡി'ലെ ഗാനം
സൂര്യപുത്രന്‍ കര്‍ണനായി വിക്രം: ആര്‍എസ് വിമല്‍ ചിത്രത്തിന്‍റെ ബ്രഹ്മാണ്ഡ ടീസര്‍