കവർ സോങുമായി ആർ.ജെ നീനു; വീഡിയോ

 സംഗീതജ്ഞനും സൗണ്ട് എന്‍ജിനീയറുമായ സായ് പ്രകാശ് ആണ് ഗാനം ചിട്ടപ്പെടുത്തിയത്

സിദ്ദിഖിന്റെ സംവിധാനത്തിൽ മമ്മൂട്ടി, മുകേഷ്, രംഭ, ഭാവന എന്നിവർ പ്രധാനവേഷത്തിലെത്തിയ ചിത്രമാണ്  ക്രോണിക് ബാച്ച്‌ലർ. 2003-ൽ പുറത്തിറങ്ങിയ ചിത്രത്തിലെ ‘ശിലയില്‍ നിന്നും’ എന്ന ഗാനത്തിന് കവർ സോങ് ഒരുക്കിയിരിക്കുകയാണ് ആർ.ജെ നീനു. 

സിനിമയില്‍ ദീപക് ദേവ് ഈണമിട്ട് സുജാത ആലപിച്ച ഗാനമാണിത്. സംഗീതജ്ഞനും സൗണ്ട് എന്‍ജിനീയറുമായ സായ് പ്രകാശ് ആണ് ഗാനം ചിട്ടപ്പെടുത്തിയത്. ”നീ” എന്ന സംഗീത പരമ്പരയിലെ നീനു ആലപിച്ച ആദ്യ ഗാനമാണിത്.‍‌‌ മികച്ച പ്രതികരണമാണ് കവര്‍ സോങിന് ലഭിക്കുന്നത്. ആര്‍.ജെ നീനുവിന്റെ കവര്‍ സോങിനെ അഭിനന്ദിച്ച് ദീപക് ദേവും സുജാതയും രംഗത്തുവന്നിരുന്നു.