news
"എംപിയുടെ ആ ഡോക്ടറേറ്റ് കോപ്പിയടിച്ചതാണോ. അതിനുള്ള വളഞ്ഞ ബുദ്ധി പറഞ്ഞുകൊടുത്തത് ദീപാ നിശാന്ത് ആണോ"
തിരുവനന്തപുരം: ആലത്തൂരിലെ എല്‍ഡിഎഫ് സ്ഥാനാര്‍ത്ഥി പി.കെ.ബിജു ഡോക്ടറേറ്റ് നേടിയത് കോപ്പിയടിച്ചാണോ എന്ന ചോദ്യവുമായി അനില്‍ അക്കര എംഎല്‍എ രംഗത്ത്. കേരളവര്‍മ്മ കോളേജ് അധ്യാപിക ദീപാ നിശാന്തിനോട് ഈ സംശയം ചോദിച്ചുകൊണ്ട് അനില്‍ അക്കര ഫേസ്ബുക്കിലാണ് കുറിപ്പ് പോസ്റ്റ് ചെയ്തത്.
കേരളത്തിലെ മികച്ച എംപിയുടെ വക്താവാണ് ദീപാ നിശാന്തെന്ന് കഴിഞ്ഞ ദിവസത്തെ ശ്രദ്ധക്ഷണിക്കലിലൂടെ മനസ്സിലായെന്ന് അനില്‍ അക്കര പരിഹസിക്കുന്നു. ആ സാഹചര്യത്തിലാണ് സംശയം ചോദിക്കുന്നത്, എംപിയുടെ ആ ഡോക്ടറേറ്റ് കോപ്പിയടിച്ചതാണോ. അതിനുള്ള വളഞ്ഞ ബുദ്ധി പറഞ്ഞുകൊടുത്തത് ദീപാ നിശാന്ത് ആണോയെന്നും അനില്‍ അക്കര ചോദിച്ചിട്ടുണ്ട്.
ആലത്തൂരിലെ യുഡിഎഫ് സ്ഥാനാര്‍ത്ഥി രമ്യ ഹരിദാസിനെ ഫേസ്ബുക്ക് പോസ്റ്റിലൂടെ അവഹേളിച്ചു എന്നാരോപിച്ച് ദീപാ നിശാന്തിനെതിരെ അനില്‍ അക്കര തെരഞ്ഞെടുപ്പ് കമ്മീഷന് പരാതി നല്‍കിയിട്ടുമുണ്ട്.