തെരഞ്ഞെടുപ്പ് ഉദ്യോ​ഗസ്ഥന്റെ പാന്റ്സ് അഴിക്കുമെന്ന് ഭീഷണി; ബിജെപി നേതാവിനെതിരെ നടപടി

രാമ നവമി ആഘോഷത്തോടനുബന്ധിച്ച് സ്ഥാപിച്ച പരസ്യബോർഡിൽ ദിലീപ് ഘോഷിന്റെ തെരഞ്ഞെടുപ്പ് പ്രചാരണ പരസ്യം ഉൾപ്പെടുത്തിയതിനെ തുടർന്ന് ഹോർഡിങ്സ് തെരഞ്ഞെടുപ്പ് ഉദ്യോഗസ്ഥൻ നീക്കം ചെയ്തിരുന്നു.

കൊൽക്കത്ത: തെരഞ്ഞെടുപ്പ് ഉദ്യോ​ഗസ്ഥന്റെ പാന്റ്സ് അഴിക്കുമെന്ന് ഭീഷണിപ്പെടുത്തിയ ബം​ഗാൾ ബിജെപി നേതാവും സ്ഥാനാർത്ഥിയുമായ ​ദിലീപ് ഘോഷിന് തെരഞ്ഞെടുപ്പ് കമ്മീഷൻ കാരണം കാണിക്കൽ നോട്ടീസ് അയച്ചു. ഘോഷിന്റെ പരമാർശത്തിൽ അദ്ദേഹത്തിന് കാരണം കാണിക്കൽ‌ നോട്ടീസ് അയച്ചതായി ഉദ്യോ​ഗസ്ഥർ വ്യക്തമാക്കി. കൊൽക്കത്തയിൽ മാധ്യമങ്ങളോട് സംസാരിക്കുകയായിരുന്നു അവർ. 

രാമ നവമി ആഘോഷത്തോടനുബന്ധിച്ച് സ്ഥാപിച്ച പരസ്യബോർഡിൽ ദിലീപ് ഘോഷിന്റെ തെരഞ്ഞെടുപ്പ് പ്രചാരണ പരസ്യം ഉൾപ്പെടുത്തിയതിനെ തുടർന്ന് ഹോർഡിങ്സ് തെരഞ്ഞെടുപ്പ് ഉദ്യോഗസ്ഥൻ നീക്കം ചെയ്തിരുന്നു. തെരഞ്ഞെടുപ്പ് പെരുമാറ്റച്ചട്ടം ​ലംഘിക്കുന്നതാണെന്ന് കാണിച്ചാണ്  പരസ്യബോർഡ് ഉദ്യോ​ഗസ്ഥർ നീക്കം ചെയ്തത്. ഇതിൽ പ്രകോപിതനായ ഘോഷ് ഉദ്യോ​ഗസ്ഥനെതിരെ ഭീഷണി മുഴക്കുകയായിരുന്നു. 

തന്റെ സാന്നിധ്യത്തിൽ വേണനായിരുന്നു ബോർഡ് എടുത്ത് മാറ്റാനെന്നും തെരഞ്ഞെടുപ്പ് ഉദ്യോ​ഗസ്ഥന്റെ പാന്റ്സ് ഊരുമെന്നുമാണ് ദിലീപ് ഘോഷ് പറഞ്ഞത്. ബം​ഗാളിലെ മെഡിനിപൂർ‌ മണ്ഡലത്തിലെ സ്ഥാനാർത്ഥിയാണ് ദിലീപ് ഘോഷ്.