രാഹുലിന്‍റെ മത്സരം ഇടതിനെതിരെ തന്നെ: ചെന്നിത്തല

കേരളത്തിൽ നിന്ന് ഇപ്രാവശ്യം ഒരു കമ്യൂണിസ്റ്റുകാരൻ പോലും പാർലമെൻറിലേക്ക് പോവില്ലെന്നും ചെന്നിത്തല

മലപ്പുറം: ഇടതുമുന്നണിയെ തോൽപ്പിക്കുക എന്ന സന്ദേശം തന്നെയാണ് രാഹുൽ ഗാന്ധിയെ സ്ഥാനാർത്ഥിയാക്കിയതിലൂടെ കോൺഗ്രസ് നൽകുന്നതെന്ന് പ്രതിപക്ഷ നേതാവ് രമേശ് ചെന്നിത്തല. കേരളത്തിൽ നിന്ന് ഇപ്രാവശ്യം ഒരു കമ്യൂണിസ്റ്റുകാരൻ പോലും പാർലമെൻറിലേക്ക് പോവില്ലെന്നും ചെന്നിത്തല പറ‌ഞ്ഞു. 

രാഹുൽ ഗാന്ധിക്ക് വയനാടിലെ ഭൂരിപക്ഷത്തോളം തന്നെ അമേഠിയിലും കിട്ടുമെന്നും ചെന്നിത്തല കൂട്ടിച്ചേര്‍ത്തു. വയനാട്ടില്‍ രാഹുല്‍ ഗാന്ധി മത്സരിക്കുന്നത് എന്ത് സന്ദേശമാണ് നല്‍കുകയെന്ന് മുഖ്യമന്ത്രി പിണറായി വിജയന്‍ നേരത്തേ ചോദിച്ചിരുന്നു.