'മാറ്റത്തിന് വേണ്ടിയാകട്ടെ വോട്ട്': ഭയപ്പെടാതെ വോട്ട് ചെയ്യാൻ ആഹ്വാനം ചെയ്ത് ജ​ഗൻ മോഹൻ റെഡ്ഡി

ആദ്യമായി വോട്ട് ചെയ്യുന്നവർ ഭയമില്ലാതെ വോട്ട് രേഖപ്പെടുത്താനും റെ​‍ഡ്ഡി പറഞ്ഞു.  താൻ ആത്മവിശ്വാസത്തിലാണെന്നും ഇത്തവണം തീർച്ചയായും മാറ്റങ്ങൾ സംഭവിക്കുമെന്നും അദ്ദേഹം പറഞ്ഞതായി എൻഡിറ്റിവി റിപ്പോർട്ട് ചെയ്യുന്നു.

ദില്ലി: മാറ്റത്തിന് വേണ്ടി വോട്ട് ചെയ്യാൻ കന്നിവോട്ടർമാരെ ആഹ്വാനം ചെയ്ത് വൈഎസ്ആർ കോൺ​ഗ്രസ് പാർട്ടി നേതാവ് ജ​ഗൻ മോഹൻ റെഡ്ഡി. പോളിം​ഗ് തുടങ്ങിയ ആദ്യമണിക്കൂറിൽ തന്നെ ജ​ഗൻ മോഹൻ റെഡ്ഡി വോട്ട് രേഖപ്പെടുത്താനെത്തിയിരുന്നു. ആദ്യമായി വോട്ട് ചെയ്യുന്നവർ ഭയമില്ലാതെ വോട്ട് രേഖപ്പെടുത്താനും റെ​‍ഡ്ഡി പറഞ്ഞു.  താൻ ആത്മവിശ്വാസത്തിലാണെന്നും ഇത്തവണം തീർച്ചയായും മാറ്റങ്ങൾ സംഭവിക്കുമെന്നും അദ്ദേഹം പറഞ്ഞതായി എൻഡിറ്റിവി റിപ്പോർട്ട് ചെയ്യുന്നു.

എനിക്ക് ആത്മവിശ്വാസമുണ്ട്. വളരെ നല്ല കാര്യങ്ങളാണ് സംഭവിക്കാൻ പോകുന്നതെന്ന് ഞാൻ ഊഹിക്കുന്നു. പോളിം​ഗ് നന്നായി തന്നെ പോകുമെന്ന് കരുതുന്നു.  എല്ലാ ജനങ്ങളും ഒരു മാറ്റത്തിനായി ആ​ഗ്രഹിക്കുന്നുണ്ടെന്നും എനിക്കറിയാം. അത് സംഭവിക്കുമെന്ന് തന്നെ ഞാൻ വിശ്വസിക്കുന്നു - ജ​ഗൻ മോഹൻ റെഡ്ഡി വിശദീകരിക്കുന്നു. ആന്ധ്രാപ്രദേശിന് പ്രത്യേക പദവി നൽകുന്ന ആരുമായും സഖ്യത്തിന് തയ്യാറാണെന്ന് റെഡ്ഡി നേരത്തെ വ്യക്തമാക്കിയിരുന്നു. ബിജെപിക്കോ കോൺ​ഗ്രസിനോ ഭൂരിപക്ഷം ലഭിക്കുന്നതിനേക്കാൾ നല്ലത് തൂക്കുമന്ത്രിസഭയാണെന്നായിരുന്നു റെഡ്ഡിയുടെ അഭിപ്രായ പ്രകടനം.