'മോദിയുടെ കള്ളങ്ങള് അവസാനിപ്പിക്കാന് വായില് പശ ഒട്ടിക്കണം': മമത ബാനര്ജി
Published : Apr 08, 2019, 07:01 PM IST
Synopsis
രാജ്യത്തിന്റെ നന്മയ്ക്ക് വേണ്ടി പ്രധാനമന്ത്രി പദത്തില് നിന്ന് മാത്രമല്ല, രാഷ്ട്രീയത്തില് നിന്ന് തന്നെ മോദി ഇറങ്ങിപ്പോകണമെന്നും മമത പറഞ്ഞു.
ദില്ലി: പ്രധാനമന്ത്രി നരേന്ദ്ര മോദിക്കെതിരെ രൂക്ഷ വിമര്ശനവുമായി ബംഗാള് മുഖ്യമന്ത്രി മമത ബാനര്ജി. ഈ തെരഞ്ഞെടുപ്പില് കള്ളം പറയുന്നത് അവസാനിപ്പിക്കാന് ജനങ്ങള് മോദിയുടെ വായില് പശ വച്ച് ഒട്ടിക്കണമെന്നാണ് മമതയുടെ പരാമര്ശം.
രാജ്യത്തിന്റെ നന്മയ്ക്ക് വേണ്ടി പ്രധാനമന്ത്രി പദത്തില് നിന്ന് മാത്രമല്ല, രാഷ്ട്രീയത്തില് നിന്ന് തന്നെ മോദി ഇറങ്ങിപ്പോകണമെന്നും മമത പറഞ്ഞു. മോദി സര്ക്കാരിന്റെ കാലത്താണ് കര്ഷക ആത്മഹത്യകള് വര്ധിച്ചത്. നോട്ടുനിരോധനവും തൊഴിലില്ലായ്മയും രാജ്യത്തെ ജനങ്ങളെ വലച്ചു- മമത ആരോപിച്ചു.
ശാരദ, റോസ്വാലി ചിട്ടി തട്ടിപ്പുകളുമായി ബന്ധപ്പെട്ട സിബിഐ അന്വേഷണത്തിന്റെ പേരിലാണ് കേന്ദ്രവും മമത ബാനര്ജിയും തമ്മിലുള്ള വിദ്വേഷം രൂക്ഷമായത്.