കോണ്ഗ്രസിന്റെ പ്രകടന പത്രിക പ്രഹസനം; വിമര്ശനവുമായി മായാവതി
Synopsis
കോണ്ഗ്രസിന്റെ വിശ്വാസ്യത നഷ്ട്ടപ്പെട്ടെന്നും മായാവതി
ലഖ്നൗ: കോണ്ഗ്രസിന്റെ പ്രകടന പത്രിക പ്രഹസനം എന്ന് ബിഎസ്പി നേതാവ് മായാവതി. വാഗ്ദാനങ്ങള് പാലിക്കാത്ത കാര്യത്തില് ബിജെപിയും കോണ്ഗ്രസും തമ്മില് വലിയ വ്യത്യാസങ്ങള് ഇല്ല. കോണ്ഗ്രസിന്റെ മുന്പത്തെ വാഗ്ദാനങ്ങള് പോലെ തന്നെ ഇതും പ്രഹസനമാണ്. വാഗ്ദാനങ്ങള്ക്ക് വിരുദ്ധമായി എല്ലായിപ്പോഴും പ്രവര്ത്തിക്കുന്നത് കൊണ്ട് കോണ്ഗ്രസിന്റെ വിശ്വാസ്യത നഷ്ട്ടപ്പെട്ടെന്നും മായാവതി പറഞ്ഞു.
വന്വാഗ്ദാനങ്ങളുമായാണ് കോണ്ഗ്രസ് പ്രകടന പത്രിക പുറത്തിറക്കിയത്. കായികമേഖല, ഐടി, മൊബൈല് -ഇന്റര്നെറ്റ് ഡാറ്റ, എല്ജിബിടി കമ്മ്യൂണിറ്റി തുടങ്ങി സമൂഹത്തിലെ വിവിധ വിഭാഗങ്ങളേയും ന്യൂജനറേഷന് പ്രശ്നങ്ങളേയും പ്രകടന പത്രികയില് കോണ്ഗ്രസ് ഉള്ക്കൊളളിച്ചിട്ടുണ്ട്. അതിര്ത്തിയില് കൂടുതല് സൈന്യത്തെ വിന്യസിച്ച് സുരക്ഷ ഉറപ്പാക്കും എന്ന് പറയുന്ന കോണ്ഗ്രസ് കശ്മീരില് ചര്ച്ചകളിലൂടെ സമാധാനം പുനസ്ഥാപിക്കാന് ശ്രമിക്കുമെന്നും വാഗ്ദാനം ചെയ്യുന്നുണ്ട്.