news
നിങ്ങളുടെ വോട്ട് അമൂല്യമാണെന്നും വരും വർഷങ്ങളിൽ രാജ്യത്തിന്റെ ഗതി നിർണ്ണയിക്കാൻ നിങ്ങളുടെ ഒരു വോട്ട് കൊണ്ട് സാധിക്കും എന്നുമായിരുന്നു മോദിയുടെ ട്വീറ്റ്.
ദില്ലി: തെരഞ്ഞെടുപ്പിന്റെ മൂന്നാം ഘട്ടമായ ഇന്ന് പ്രധാനമന്ത്രി നരേന്ദ്ര മോദിയും വോട്ട് ചെയ്തു. അദ്ദേഹത്തിനൊപ്പം ബിജെപി ദേശീയ അധ്യക്ഷൻ അമിത് ഷായും വോട്ട് രേഖപ്പെടുത്താൻ ഉണ്ടായിരുന്നു. അമ്മയുടെ അനുഗ്രഹം വാങ്ങിയാണ് മോദി രാവിലെ വോട്ട് ചെയ്യാനെത്തിയത്. അഹമ്മദാബാദിലായിരുന്നു മോദിയുടെ വോട്ട്. താൻ ഇന്ന് വോട്ട് രേഖപ്പെടുത്തുമെന്ന് മോദി ട്വീറ്റ് ചെയ്തിരുന്നു. നിങ്ങളുടെ വോട്ട് അമൂല്യമാണെന്നും വരും വർഷങ്ങളിൽ രാജ്യത്തിന്റെ ഗതി നിർണ്ണയിക്കാൻ നിങ്ങളുടെ ഒരു വോട്ട് കൊണ്ട് സാധിക്കും എന്നുമായിരുന്നു മോദിയുടെ ട്വീറ്റ്.
Urging all those voting in today’s Third Phase of the 2019 Lok Sabha elections to do so in record numbers. Your vote is precious and will shape the direction our nation takes in the years to come.
I’ll be voting in Ahmedabad in a short while from now.
ഗാന്ധി നഗറിലെത്തി അമ്മയുടെ അനുഗ്രഹം വാങ്ങിയതിന് ശേഷമാണ് മോദി അഹമ്മദാബാദിലെ പോളിംഗ് ബൂത്തിലെത്തിയത്. അമ്മ ഹീരാബെന്നിന്റെ കാൽതൊട്ടു വണങ്ങുന്ന ചിത്രവും മോദി പുറത്തുവിട്ടിരുന്നു. അമിത് ഷായും മോദിക്കൊപ്പം വോട്ട് രേഖപ്പെടുത്തി. രാജ്യത്തിന്റെ അഭിമാനത്തിനും സുരക്ഷയ്ക്കും ബഹുമാനത്തിനും നേർക്കാകട്ടെ നിങ്ങളുടെ ഓരോ വോട്ടും എന്നായിരുന്നു ബിജെപി അധ്യക്ഷന്റെ ട്വീറ്റ്. കഴിഞ്ഞ ലോക്സഭാ തെരഞ്ഞെടുപ്പിൽ 26 സീറ്റിലും ബിജെപി വിജയിച്ചിരുന്നു. എന്നാൽ ഇത്തവണ ബിജെപി വിജയസാധ്യതയിൽ പ്രതിസന്ധി നേരിടുന്നുണ്ട്.