മോദിയുടെ അമ്മ ഹീരാബെൻ വോട്ട് രേഖപ്പെടുത്തി

കാലിൽ തൊട്ടു വണങ്ങി അനു​ഗ്രഹം തേടിയ മകന് മധുരവും ഷാളും നൽകിയായിരുന്നു ഹീരാബെൻ അനു​ഗ്രഹിച്ച് യാത്രയാക്കിയത്. നരേന്ദ്ര മോദിയുടെ സഹോദരൻ പങ്കജ് മോദിക്കൊപ്പമാണ് തൊണ്ണൂറ്റെട്ട് വയസ്സുള്ള ഹീരാബെൻ താമസിക്കുന്നത്. 

അഹമ്മദാബാദ്: പ്രധാനമന്ത്രി ന​രേന്ദ്ര മോദിയുടെ അമ്മ ഹീരാബെൻ അഹമ്മദാബാദിലെ റെയ്സാനിലെ പോളിം​ഗ് ബൂത്തിൽ വോട്ട് രേഖപ്പെടുത്തി. മോദിയെ അനു​ഗ്രഹിച്ച് പോളിം​ഗ് ബൂത്തിലയച്ചതിന് ശേഷമാണ് ഹീരാബെൻ വോട്ട് രേഖപ്പെടുത്തിയത്. കാലിൽ തൊട്ടു വണങ്ങി അനു​ഗ്രഹം തേടിയ മകന് മധുരവും ഷാളും നൽകിയായിരുന്നു ഹീരാബെൻ അനു​ഗ്രഹിച്ച് യാത്രയാക്കിയത്. നരേന്ദ്ര മോദിയുടെ  സഹോദരൻ പങ്കജ് മോദിക്കൊപ്പമാണ് തൊണ്ണൂറ്റെട്ട് വയസ്സുള്ള ഹീരാബെൻ താമസിക്കുന്നത്. കോളനിയിലുള്ളവരോട് കുശലം പറഞ്ഞും കുട്ടികൾക്കൊപ്പം സെൽഫിയെടുത്തുമാണ് മോദി അമ്മയുടെ അടുത്ത് നിന്നും മടങ്ങിപ്പോയത്. ഇരുപത് മിനിറ്റ് നേരം മോദി അമ്മയ്ക്ക് അരികിൽ ചെലവഴിച്ചു.