വ്യത്യസ്തനായി സ്ഥാനാർത്ഥി; പത്രിക സമർപ്പിക്കാൻ കെട്ടിവച്ചത് 25,000 രൂപയുടെ നാണയങ്ങൾ

അമ്മ മക്കൾ നാഷണൽ പാർട്ടി (എഎംഎൻപി) സ്വതന്ത്ര സ്ഥാനാർത്ഥി കുപ്പൾജി ദേവദോസ് ആണ് തെരഞ്ഞെടുപ്പിൽ വ്യത്യസ്തനായി നാണയങ്ങൾ നൽകിയത്. 

ചെന്നൈ: തമിഴ്നാട്ടിൽ നാമനിര്‍ദ്ദേശിക പത്രിക സമർപ്പിക്കാൻ സ്ഥാനാർത്ഥി കെട്ടിവച്ചത് 25,000 രൂപയുടെ നാണയങ്ങൾ. അമ്മ മക്കൾ നാഷണൽ പാർട്ടി (എഎംഎൻപി) സ്വതന്ത്ര സ്ഥാനാർത്ഥി കുപ്പൾജി ദേവദോസ് ആണ് തെരഞ്ഞെടുപ്പിൽ വ്യത്യസ്തനായി നാണയങ്ങൾ നൽകിയത്. 

10, 5, 2, 1 രൂപ നാണയങ്ങൾ ചേർത്താണ് 25,000 കെട്ടിവച്ചത്. സൗത്ത്  ചെന്നൈ ലോക്സഭാ മണ്ഡലത്തിൽ മത്സരിക്കുന്നതിനായി ചെന്നൈ 13 സോണൽ ഓഫീസിലാണ് പത്രിക സമർപ്പിക്കുന്നതിനായി ദേവദോസ് എത്തിയത്. തമിഴ്നാട്ടിൽ ഏപ്രിൽ 18നാണ് 39 ലോക്സഭാ മണ്ഡലങ്ങളിലെ തെരഞ്ഞെടുപ്പ് നടക്കുക. മെയ് 23-ന് വോട്ടെണ്ണൽ നടക്കും.