'കേരളത്തില് ത്രിപുര ആവര്ത്തിക്കും'; ഐസ്ക്രീം പാര്ലറും സോളാറും ഓര്മ്മിപ്പിച്ചും മോദി
Synopsis
സ്ത്രീശാക്തീകരണത്തിന് വേണ്ടി സംസാരിക്കുന്നവർ ഐസ്ക്രീം പാർലർ കേസും സോളാർ കേസും ഓർക്കണം. മുത്തലാഖ് പോലെയുള്ള ക്രൂരമായ നടപടികളെ ന്യായീകരിക്കുന്നതും ഇതേ ഇടതുപക്ഷം തന്നെയാണെന്നും മോദി പറഞ്ഞു.
കോഴിക്കോട്: കേരളത്തില് ത്രിപുര ആവര്ത്തിക്കുമെന്ന് പ്രധാനമന്ത്രി നരേന്ദ്രമോദി. കേരളത്തിലെ ആദ്യ പ്രചാരണ പരിപാടിയായ 'വിജയ് സങ്കൽപ്' റാലിയില് സംസാരിക്കുകയായിരുന്നു മോദി. ''ത്രിപുര ഓർക്കുന്നില്ലേ, ഇടത് പക്ഷം അവിടെ തകർന്നടിഞ്ഞ് ബിജെപി അധികാരത്തിലെത്തി'' - മോദി പറഞ്ഞു.
അതേസമയം സോളാര് കേസും ഐസ്ക്രീം പാര്ലര് പെണ്വാണിഭ കേസും എടുത്ത് പറഞ്ഞാണ് മോദി കേരളത്തിലെ നേതാക്കളെ പരിഹസിച്ചത്. സ്ത്രീ ശാക്തീകരണത്തില് ഇരട്ടത്താപ്പ് കേരളത്തിലെ രാഷ്ട്രീയ പാര്ട്ടികള്ക്കെന്ന് മോദി പറഞ്ഞു.
സ്ത്രീശാക്തീകരണത്തിന് വേണ്ടി സംസാരിക്കുന്നവർ ഐസ്ക്രീം പാർലർ കേസും സോളാർ കേസും ഓർക്കണം. മുത്തലാഖ് പോലെയുള്ള ക്രൂരമായ നടപടികളെ ന്യായീകരിക്കുന്നതും ഇതേ ഇടതുപക്ഷം തന്നെയാണെന്നും മോദി പറഞ്ഞു.
ഇടത് വലത് മുന്നണികള് കേരളത്തിലെ ജനങ്ങളെ നിരാശപ്പെടുത്തിയെന്നും ബിജെപി മുന്നോട്ട് വയ്ക്കുന്നത് ബദല് രാഷ്ട്രീയമാണെന്നും മോദി കൂട്ടിച്ചേര്ത്തു. ''ഉത്തരേന്ത്യയിൽ നടക്കുന്ന റെയ്ഡുകളിൽ കെട്ട് കെട്ടായി നോട്ട് പിടികൂടുകയാണ്. സ്ത്രീകൾക്കും കുട്ടികൾക്കും വേണ്ടി മാറ്റി വച്ച പണമാണ് ഇതിനായി ഉപയോഗിച്ചത്. നാണക്കേടാണിത്'' - മോദി പറഞ്ഞു.