കയറ്റുമതി രം​ഗത്ത് വൻ തിരിച്ചുവരവ് നടത്തി ചൈന: വിദ​ഗ്ധരുടെ പ്രവചനങ്ങളെക്കാൾ ഉയർന്ന വളർച്ചാ നിരക്ക്

രണ്ട് മാസത്തേക്ക് ചൈന 103.25 ബില്യൺ ഡോളറിന്റെ വ്യാപാര മിച്ചം രേഖപ്പെടുത്തി. 

ബീജിം​ഗ്: ചൈനയുടെ കയറ്റുമതി ജനുവരി-ഫെബ്രുവരി മാസങ്ങളിൽ 60.6 ശതമാനം ഉയർന്നു. ഇറക്കുമതി 22.2 ശതമാനം വർദ്ധിച്ചു. 2020 ലെ നിലവാരത്തിൽ നിന്ന് പ്രതീക്ഷിച്ചതിലും വേഗത്തിലുളള മുന്നേറ്റമാണ് ചൈന കൈവരിച്ചിരിക്കുന്നതെന്ന് കസ്റ്റംസ് ഡാറ്റ പറയുന്നു.

റോയിട്ടേഴ്സ് വോട്ടെടുപ്പിൽ വിശകലന വിദഗ്ധർ ഡിസംബറിൽ 18.1 ശതമാനം വളർച്ചയ്ക്ക് ശേഷം കയറ്റുമതി 38.9 ശതമാനം ഉയരുമെന്നാണ് കണക്കാക്കിയിരുന്നത്. ഡിസംബറിൽ 6.5 ശതമാനം വർധനവിന് ശേഷം ഇറക്കുമതിയിൽ 15 ശതമാനം ഉയരുമെന്നും അവർ പ്രവചിച്ചിരുന്നു.

രണ്ട് മാസത്തേക്ക് ചൈന 103.25 ബില്യൺ ഡോളറിന്റെ വ്യാപാര മിച്ചം രേഖപ്പെടുത്തി. ഡിസംബറിലെ 78.17 ബില്യൺ ഡോളറിൽ നിന്ന് മിച്ചം 60.00 ബില്യൺ ഡോളറായി കുറയുമെന്ന് വോട്ടെടുപ്പിലെ വിശകലന വിദഗ്ധർ പ്രതീക്ഷിച്ചിരുന്നു. ചൈനയുടെ കസ്റ്റംസ് അതോറിറ്റി 2020 ജനുവരി, ഫെബ്രുവരി ഡാറ്റകൾ സംയോജിപ്പിച്ചത് ചാന്ദ്ര പുതുവത്സരം കാലയളവിലെ ഇടിവ് സുഗമമാക്കി.