ലോകത്തെ സമ്പന്നരായ വ്യക്തികൾക്ക് പ്രത്യേക വിദ്യാഭ്യാസം ലഭിച്ചതുകൊണ്ടോ അവർക്ക് ഉന്നത വിദ്യാഭ്യാസം ഉണ്ടായതോ അല്ല സമ്പത്തിന്റെ അടിസ്ഥാനം. ലോകത്തെ ഏറ്റവും വലിയ സമ്പന്നരെയും അവരുടെ വിദ്യാഭ്യാസ യോഗ്യതകളും അറിയാം.
ലോകത്തെ അതി സമ്പന്നരുടെ എണ്ണം വർദ്ധിച്ചുകൊണ്ടിരിക്കുകയാണ്. ലോകത്തിലെ ഏറ്റവും ധനികരായ ആളുകൾ അവരുടെ കഠിനാധ്വാനം കൊണ്ട് ആസ്തി ഉയർത്തിയവരാണ്. എന്നാൽ എങ്ങനെയാണു സാമ്പത്തിക വിജയം നേടുക എന്നത് പലരുടെയും സംശയം തന്നെയാണ്. ലോകത്തെ സമ്പന്നരായ വ്യക്തികൾക്ക് പ്രത്യേക വിദ്യാഭ്യാസം ലഭിച്ചതുകൊണ്ടോ അവർക്ക് ഉന്നത വിദ്യാഭ്യാസം ഉണ്ടായതോ അല്ല സമ്പത്തിന്റെ അടിസ്ഥാനം. ലോകത്തെ ഏറ്റവും വലിയ സമ്പന്നരെയും അവരുടെ വിദ്യാഭ്യാസ യോഗ്യതകളും അറിയാം.
ബെർണാഡ് അർനോൾട്ട്
ഫോർബ്സ് മാസികയുടെ കണക്കനുസരിച്ച് നിലവിൽ ലോകത്തിലെ ഏറ്റവും ധനികൻ എന്ന പദവി ബെർണാഡ് അർനോൾട്ടിനാണ്. എൽവിഎംഎച്ച് സിഇഒയും സ്ഥാപകനുമായ ബെർണാഡ് അർനോൾട്ടിന് 223 ബില്യൺ ഡോളറിന്റെ ആസ്തിയുണ്ട്. വിദ്യാഭ്യാസ യോഗ്യത- 1971-ൽ അദ്ദേഹം ഫ്രാൻസിലെ പ്രമുഖ എഞ്ചിനീയറിംഗ് സ്കൂളായ എക്കോൾ പോളിടെക്നിക്കിൽ നിന്ന് ബിരുദം നേടി.
ഇലോൺ മസ്‌ക്
ലോകത്തിലെ ഏറ്റവും ധനികനായ രണ്ടാമത്തെ വ്യക്തിയാണ് ഇലോൺ മസ്‌ക്. സ്‌പേസ് എക്‌സിൻ്റെ സ്ഥാപകനും സിഇഒയും ബഹിരാകാശ എഞ്ചിനീയറുമാണ് മസ്‌ക്, കൂടാതെ എക്‌സ് കോർപ്പറേഷൻ്റെയും ട്വിറ്ററിൻ്റെയും ഉടമയാണ്. വിദ്യാഭ്യാസ യോഗ്യത- പെൻസിൽവാനിയ സർവകലാശാലയിൽ നിന്ന് സാമ്പത്തിക ശാസ്ത്രത്തിൽ സയൻസ് ബിരുദവും കലയിൽ ബിരുദവും നേടി. സ്റ്റാൻഫോർഡ് യൂണിവേഴ്‌സിറ്റിയി പിഎച്ച്.ഡിക്ക് പഠനം ആരംഭിച്ചെങ്കിലും തുടർന്നില്ല.
ജെഫ് ബെസോസ്
ആമസോണിൻ്റെ മുൻ സിഇഒ ജെഫ് ബെസോസിൻ്റെ ആസ്തി 194 ബില്യൺ ഡോളറാണ്, ലോകത്തിലെ ഏറ്റവും ധനികരായ ആളുകളിൽ മൂന്നാം സ്ഥാനത്താണ് ജെഫ് ബെസോസ്. വിദ്യാഭ്യാസ യോഗ്യത- പ്രിൻസ്റ്റൺ യൂണിവേഴ്സിറ്റിയിൽ നിന്ന് ഇലക്ട്രിക്കൽ എഞ്ചിനീയറിംഗും കമ്പ്യൂട്ടർ സയൻസും പഠിച്ചു. .
ലാറി എല്ലിസൺ
ഒറാക്കിളിൻ്റെ സഹസ്ഥാപകനും സിടിഒയും ചെയർമാനുമാണ് ലോറൻസ് ജോസഫ് എലിസൺ. 141 ബില്യൺ ഡോളറാണ് അദ്ദേഹത്തിൻ്റെ ആസ്തി. ഉർബാന-ചാമ്പെയ്‌നിലെ ഇല്ലിനോയിസ് യൂണിവേഴ്സിറ്റിയിൽ സയൻസ് വിദ്യാർത്ഥി ആയിരുന്നു. അമ്മയുടെ ആകസ്മിക മരണം കാരണം, രണ്ടാം അവസാന പരീക്ഷ എഴുതാൻ കഴിയാതെ വന്നു. തുടർന്ന് അദ്ദേഹം ഷിക്കാഗോ സർവകലാശാലയിൽ ചേർന്നു.
ബിൽ ഗേറ്റ്സ്
കോളേജ് ഡ്രോപ്പ്ഔട്ടാണ്. മൈക്രോസോഫ്റ്റ് സ്ഥാപകൻ ബിൽ ഗേറ്റ്സ് ആസ്തി 128 ബില്യൺ ഡോളറാണ്. അദ്ദേഹം ലോകത്തിലെ ഏറ്റവും മികച്ച സർവകലാശാലകളിലൊന്നിൽ പ്രീ-ലോ മേജറായി ചേരുകയും ഗണിതശാസ്ത്രവും ബിരുദതല കമ്പ്യൂട്ടർ സയൻസും പഠിക്കുകയും ചെയ്തു. 1975-ൽ, കോളേജ് ഉപേക്ഷിച്ച് സ്വന്തം കമ്പനി നിർമ്മിക്കാൻ ഇറങ്ങി.
വാറൻ ബഫറ്റ്‌
114 ബില്യൺ ഡോളർ ആസ്തിയുള്ള വാറൻ ബഫെറ്റ്, ബെർക്ക്‌ഷെയർ ഹാത്ത്‌വേയുടെ ചെയർമാനും സിഇഒയുമാണ്. ബ്രാസ്ക സർവകലാശാലയിൽ ബിസിനസ് അഡ്മിനിസ്ട്രേഷനിൽ ബിരുദം എടുത്തു. പിന്നീട് കൊളംബിയ ബിസിനസ് സ്കൂളിൽ ചേരുകയും സാമ്പത്തിക ശാസ്ത്രത്തിൽ മാസ്റ്റർ ഓഫ് സയൻസ് നേടുകയും ചെയ്തു
സ്റ്റീവ് ബാൽമർ
നാഷണൽ ബാസ്കറ്റ്ബോൾ അസോസിയേഷൻ്റെ ലോസ് ഏഞ്ചൽസ് ക്ലിപ്പേഴ്സിൻ്റെ ഉടമയും 2000-2014 കാലഘട്ടത്തിൽ മൈക്രോസോഫ്റ്റിൻ്റെ മുൻ സിഇഒയുമാണ് സ്റ്റീവ് ബാൽമർ. 104 ബില്യൺ ഡോളറാണ് അദ്ദേഹത്തിൻ്റെ ആസ്തി. 1973-ൽ ലോറൻസ് ടെക്‌നോളജിക്കൽ യൂണിവേഴ്സിറ്റിയിൽ എഞ്ചിനീയറിംഗ് പൂർത്തിയാക്കി.