സ്ഥിര നിക്ഷേപ പലിശ കുത്തനെ കൂട്ടി എച്ച്‌ഡിഎഫ്‌സി ബാങ്ക്; വർധന ആഴ്ചയിൽ രണ്ടാം തവണ

രാജ്യത്തെ ഏറ്റവും വലിയ സ്വകാര്യ മേഖലയിലെ വായ്പാ ദാതാക്കളായ എച്ച്‌ഡിഎഫ്‌സി ബാങ്ക് സ്ഥിര നിക്ഷേപങ്ങളുടെ പലിശ നിരക്ക് ഉയർത്തി

രാജ്യത്തെ ഏറ്റവും വലിയ സ്വകാര്യ മേഖലയിലെ വായ്പാ ദാതാക്കളായ എച്ച്‌ഡിഎഫ്‌സി ബാങ്ക് 2 കോടിയിൽ താഴെയുള്ള സ്ഥിര നിക്ഷേപങ്ങളുടെ പലിശ നിരക്ക് ഉയർത്തി. നിലവിൽ 7 ദിവസം മുതലുള്ള നിക്ഷേപങ്ങൾക്ക് സാധാരണക്കാർക്ക്  2.75 ശതമാനം മുതൽ 5.75 ശതമാനം വരെ പലിശയും മുതിർന്ന പൗരന്മാർക്ക് 3.25 ശതമാനം മുതൽ 6.50 ശതമാനം വരെ പലിശ നിരക്കും ബാങ്ക് വാഗ്ദാനം ചെയ്യുന്നു. 

സ്ഥിരനിക്ഷേപ പലിശ നിരക്കുകൾ അറിയാം 

ഏഴ് ദിവസം മുതൽ  29 ദിവസം വരെയുള്ള നിക്ഷേപങ്ങളുടെ പലിശ നിരക്ക് 2.50 ശതമാനത്തിൽ നിന്ന് 25 ബേസിസ് പോയിന്റ് വർധിപ്പിച്ച് 2.75 ശതമാനമാക്കി. 30 മുതൽ 90 ദിവസങ്ങൾക്കുള്ളിൽ കാലാവധി പൂർത്തിയാകുന്ന സ്ഥിരനിക്ഷേപങ്ങളുടെ പലിശ നിരക്ക് 3 ശതമാനത്തിൽ നിന്ന് 25 ബേസിസ് വർധിപ്പിച്ച് 3.25 ശതമാനമാക്കി.  91 ദിവസം മുതൽ 6 മാസം വരെ കാലാവധിയുള്ള സ്ഥിര നിക്ഷേപങ്ങളുടെ പലിശ നിരക്ക് 3.50 ശതമാനത്തിൽ നിന്ന് 3.75 ശതമാനമാക്കി ഉയർത്തി.

6 മാസം  മുതൽ 9 മാസം വരെ കാലാവധിയുള്ള സ്ഥിര നിക്ഷേപങ്ങൾക്ക്  4.40 ശതമാനത്തിൽ നിന്ന് 25 ബേസിസ് പോയിന്റ് വർധിപ്പിച്ച് പലിശ നിരക്ക് 4.65 ശതമാനമാക്കി. 9 മാസം മുതൽ 1 വർഷത്തിൽ താഴെ വരെ കാലാവധിയുള്ള ടേം നിക്ഷേപങ്ങൾക്ക് 4.65 ശതമാനം പലിശ ലഭിക്കും. ഒരു വർഷം മുതൽ രണ്ട് വർഷത്തിൽ താഴെ വരെ കാലാവധിയുള്ള സ്ഥിര നിക്ഷേപങ്ങൾക്ക് ബാങ്ക് ഇപ്പോൾ 5.35 ശതമാനം പലിശ നൽകും. രണ്ട് വർഷം മുതൽ  മൂന്ന് വർഷം വരെ കാലാവധിയുള്ള നിക്ഷേപങ്ങൾക്ക് 10 ബേസിസ് പോയിന്റ് വർധിപ്പിച്ച് 5.50 ശതമാനം പലിശ നൽകും.3 വർഷം മുതൽ 5 വർഷം വരെ കാലാവധിയുള്ള ടേം ഡെപ്പോസിറ്റുകൾക്ക് ഇപ്പോൾ 5.70 ശതമാനം പലിശ ലഭിക്കും.  5 വർഷം മുതൽ 10 വർഷം വരെ കാലാവധിയുള്ള നിക്ഷേപങ്ങൾക്ക് 5.75 ശതമാനം പലിശ ലഭിക്കും.