നിക്ഷേപകർക്ക് സന്തോഷിക്കാം; ഫിക്സഡ് ഡെപ്പോസിറ്റ് പലിശ ഉയർത്തി ഈ ബാങ്ക്

നിക്ഷേപകർക്ക് ഉയർന്ന പലിശ വാഗ്ദാനം നല്കാൻ ബാങ്കുകൾ മത്സരിക്കുകയാണ്. ആർബിഐ റിപ്പോ നിരക്ക് ഉയർത്തിയതോടു കൂടി നിക്ഷേപ നിരക്കുകളും ബ്വാങ്കുകൾ ഉയർത്തി 

സ്വകാര്യ മേഖലയിലെ വായ്പാദാതാക്കളായ കരൂർ വൈശ്യ ബാങ്ക് 2 കോടിയിൽ താഴെയുള്ള സ്ഥിരനിക്ഷേപങ്ങളുടെ പലിശ നിരക്ക് ഉയർത്തി. പുതുക്കിയ പലിശ നിരക്കുകൾ സെപ്റ്റംബർ മുതൽ പ്രാബല്യത്തിൽ വരും. ഒരു മാസം മുതൽ മുതൽ 6 വർഷം വരെ കാലാവധിയുള്ള സ്ഥിര നിക്ഷേപങ്ങളുടെ പലിശ നിരക്കാണ് ബാങ്ക് വർദ്ധിപ്പിച്ചത്. .

കരൂർ വൈശ്യ ബാങ്ക് FD നിരക്കുകൾ

7 ദിവസം മുതൽ 30 ദിവസം വരെ കാലാവധിയുള്ള സ്ഥിര നിക്ഷേപങ്ങൾക്ക് 4 ശതമാനം പലിശ നിരക്ക് നൽകുന്നത് തുടരും, എന്നാൽ 31 ദിവസം മുതൽ 45 ദിവസം വരെ കാലാവധിയുള്ള സ്ഥിര നിക്ഷേപങ്ങളുടെ പലിശ നിരക്ക് 4 ശതമാനത്തിൽ നിന്ന് 5.25 ശതമാനം  ആയി ഉയർത്തി. 46 മുതൽ 90 ദിവസം വരെ കാലാവധിയുള്ള സ്ഥിരനിക്ഷേപങ്ങളുടെ പലിശ നിരക്ക് 4.25 ശതമാനത്തിൽ നിന്ന് 5.25 ശതമാനമായി വർധിപ്പിച്ചു. 91 ദിവസം മുതൽ 120  ദിവസം വരെയുള്ള  സ്ഥിര നിക്ഷേപങ്ങൾക്ക് ഇപ്പോൾ 5.25 ശതമാനം പലിശ ലഭിക്കും, അതേസമയം 121 ദിവസത്തിനും 180 ദിവസത്തിനും ഇടയിൽ കാലാവധിയുള്ള നിക്ഷേപങ്ങൾക്ക് ഇപ്പോൾ 5.50 ശതമാനം പലിശ ലഭിക്കും.

181 ദിവസം മുതൽ 270 ദിവസം വരെ കാലാവധിയുള്ള സ്ഥിര നിക്ഷേപങ്ങൾക്ക്, കരൂർ വൈശ്യ ബാങ്ക് ഇപ്പോൾ 5.75% പലിശ നിരക്ക് വാഗ്ദാനം ചെയ്യുന്നു. 271 ദിവസം മുതൽ ഒരു വർഷത്തിൽ താഴെ വരെ കാലാവധിയുള്ള സ്ഥിരനിക്ഷേപങ്ങളുടെ പലിശ 5.25 ശതമാനത്തിൽ നിന്ന് 5.90 ശതമാനമാക്കി  ഉയർത്തി. ഒന്ന് മുതൽ രണ്ട് വർഷം വരെ കാലാവധിയുള്ള ഫിക്സഡ് ഡിപ്പോസിറ്റുകൾക്ക് ഇപ്പോൾ 6.10% പലിശ ലഭിക്കും, രണ്ട് മുതൽ മൂന്ന് വർഷം വരെ കാലാവധിയുള്ള ടേം ഡെപ്പോസിറ്റുകൾക്ക് ഇപ്പോൾ 6.10% പലിശ നിരക്ക് ലഭിക്കും. മുമ്പത്തെ നിരക്ക് 5.85 ശതമാനം ആയിരുന്നു. മൂന്ന് മുതൽ ആറ് വർഷം വരെയോ അതിൽ കൂടുതലോ കാലാവധിയുള്ള സ്ഥിര നിക്ഷേപങ്ങളുടെ പലിശ നിരക്ക് 6% ൽ നിന്ന് 6.10% ആയി ബാങ്ക് വർദ്ധിപ്പിച്ചു.

കരൂർ വൈശ്യ ബാങ്ക് മുതിർന്ന പൗരന്മാർക്കുള്ള സ്ഥിര നിക്ഷേപ നിരക്കുകൾ ഉയർത്തി. മുതിർന്ന പൗരന്മാർക്ക് ഒരു വർഷം മുതൽ രണ്ട് വർഷത്തിൽ താഴെ വരെ കാലാവധിയുള്ള സ്ഥിരനിക്ഷേപങ്ങൾക്ക് 6.50% പലിശനിരക്ക് നൽകും, 2 വർഷം മുതൽ 3 വർഷം വരെ കാലാവധിയുള്ള നിക്ഷേപങ്ങൾക്ക്, ബാങ്ക് ഇപ്പോൾ 6.50% പലിശ നിരക്ക് നൽകുന്നു, മുമ്പ് 6.35% ആയിരുന്നു നിരക്ക്. 3 വർഷം മുതൽ 5 വർഷത്തിൽ താഴെ വരെ കാലാവധിയുള്ള സ്ഥിര നിക്ഷേപങ്ങൾക്ക് ഇപ്പോൾ 6.60% പലിശ ലഭിക്കും, മുതിർന്ന പൗരന്മാർക്ക് 6.50% മുതൽ 5 വർഷം മുതൽ 10 വർഷം വരെ കാലാവധിയുള്ള ടേം നിക്ഷേപങ്ങൾക്ക് ഇപ്പോൾ 6.60% പലിശ ലഭിക്കും.