Share Market Today: ഒന്നാം തിയതി ഓഹരി വിപണി തിളങ്ങി; നിഫ്റ്റി 17,300 ന് മുകളിൽ സെൻസെക്സ് 545 പോയിന്റ് ഉയർന്നു
Synopsis
ആഴ്ചയിലെ ആദ്യ ദിനം ഓഹരി വിപണി നേട്ടത്തിൽ വ്യപാരം അവസാനിപ്പിച്ചു . നേട്ടത്തിലുള്ള ഓഹരികൾ അറിയാം
മുംബൈ: ഇന്ത്യൻ ഓഹരി വിപണി (share market) ഓഗസ്റ്റ് മാസം ആദ്യം തന്നെ നേട്ടം രേഖപ്പെടുത്തി. സെൻസെക്സ് (seansex) 545 പോയിന്റ് അഥവാ 0.95 ശതമാനം ഉയർന്ന് 58,116 ലും നിഫ്റ്റി (nifty) 182 പോയിന്റ് അഥവാ 1 ശതമാനം ഉയർന്ന് 17,340 ലും വ്യാപാരം അവസാനിപ്പിച്ചു. വിപണിയിൽ ഇന്ന് 2230 ഓഹരികൾ മുന്നേറി, 1145 ഓഹരികൾ ഇടിഞ്ഞു, 187 ഓഹരികൾ മാറ്റമില്ലാതെ തുടർന്നു.
നിഫ്ടിയിൽ ഇന്ന് ടാറ്റ മോട്ടോഴ്സ്, എം ആൻഡ് എം, അദാനി പോർട്ട്സ്, ഒഎൻജിസി, യുപിഎൽ തുടങ്ങിയ ഓഹരികൾ നേട്ടത്തിലാണ്. സൺ ഫാർമ, എച്ച്ഡിഎഫ്സി ലൈഫ്, എച്ച്യുഎൽ, ബ്രിട്ടാനിയ ഇൻഡസ്ട്രീസ്, ദിവിസ് ലാബ്സ് എന്നീ ഓഹരികൾ നഷ്ടത്തിലുമാണ്.
Read Also: ഏഷ്യാനെറ്റ് സുവർണ ന്യൂസ് അവാർഡ് നേടിയ കർഷകനെ അഭിനന്ദിച്ച് പ്രധാനമന്ത്രി
ഓട്ടോ, പവർ, ഓയിൽ ആൻഡ് ഗ്യാസ് സൂചികകൾ 2 മുതൽ 3 ശതമാനം വരെ നേട്ടമുണ്ടാക്കിയതോടെ എല്ലാ മേഖലാ സൂചികകളുംനേട്ടത്തിൽ അവസാനിച്ചു.ബിഎസ്ഇ മിഡ്ക്യാപ്, സ്മോൾക്യാപ് സൂചികകൾ 1 ശതമാനം വീതം ഉയർന്നു.
സെൻസെക്സിൽ എം ആൻഡ് എം ആണ് ഏറ്റവും കൂടുതൽ നേട്ടമുണ്ടാക്കിയത്. എം ആൻഡ് എം 6 ശതമാനം ഉയർന്നു. ആർഐഎൽ, മാരുതി സുസുക്കി, ഭാരതി എയർടെൽ, പവർ ഗ്രിഡ്, കൊട്ടക് ബാങ്ക്, അൾട്രാടെക് സിമന്റ്, ഐടിസി, എൻടിപിസി, എസ്ബിഐ, ആക്സിസ് ബാങ്ക്, ടൈറ്റൻ എന്നിവയും സെൻസെക്സിൽ നേട്ടം കൊയ്തു. അതേസമയം സൺ ഫാർമ, എച്ച്യുഎൽ, നെസ്ലെ, ടിസിഎസ്, എച്ച്ഡിഎഫ്സി, ഏഷ്യൻ പെയിന്റ്സ് എന്നീ ഓഹരികൾ 2.5 ശതമാനം വരെ താഴ്ന്നു.
ഡോളറിന് 79.26 എന്ന വിനിമയ നിരക്കിൽ നിന്നും 79.02 എന്ന നിലയിലേക്ക് ഉയർന്നാണ് ഇന്ത്യൻ രൂപ ഇന്ന് വ്യാപാരം അവസാനിപ്പിച്ചത്.
വിദേശ നിക്ഷേപകരുടെ തിരിച്ച് വരവുകൾക്ക് ശേഷം വെള്ളിയാഴ്ച ഇന്ത്യൻ ഓഹരികൾ നേട്ടമുണ്ടാക്കിയിരുന്നു. കഴിഞ്ഞ ആഴ്ചയിൽ, നിഫ്റ്റി സൂചിക കഴിഞ്ഞ ആഴ്ച 2.62 ശതമാനം നേട്ടമുണ്ടാക്കിയപ്പോൾ 2022 ജൂലൈയിൽ 8.70 ശതമാനം പ്രതിമാസ നേട്ടം രേഖപ്പെടുത്തി. അതുപോലെ, ബിഎസ്ഇ സെൻസെക്സ് കഴിഞ്ഞ ആഴ്ച 2.67 ശതമാനം ഉയർന്നപ്പോൾ 2022 ജൂലൈയിൽ 8.50 ശതമാനം പ്രതിമാസ നേട്ടം രേഖപ്പെടുത്തി. .
മൂന്ന് മാസത്തെ കുത്തനെയുള്ള ഇടിവിന് ശേഷം ഈ മാസം നിഫ്റ്റി 8 ശതമാനത്തിലധികം നേട്ടമുണ്ടാക്കി, ബാങ്കിംഗ്, സാമ്പത്തിക മേഖലയാണ് ഈ മുന്നേറ്റത്തിന് നേതൃത്വം നൽകിയത്. എല്ലാ മേഖലകളും നേട്ടം തൊട്ടപ്പോൾ നിഫ്റ്റി 17000 കടന്നു. ഓഗസ്റ്റിലേക്ക് കടന്നപ്പോൾ വിപണി ഈ നേട്ടം ആവർത്തിക്കുമോ എന്ന് ഉറ്റുനോക്കുകയാണ് നിക്ഷേപകർ.