സ്ത്രീപ്രവേശനത്തെ ചൊല്ലി ശബരിമലയിലെ സംഘര്ഷം: ഇതുവരെ 2825 പേര് അറസ്റ്റില്
Synopsis
അക്രമങ്ങളുമായി ബന്ധപ്പെട്ട് ഇതുവരെ 495 കേസുകള് രജിസ്റ്റര് ചെയ്തിട്ടുണ്ട്. കലാപശ്രമം നിരോധനാജ്ഞ ലംഘിച്ച് സംഘം ചേരല്, പൊതുമുതല് നശിപ്പിക്കല്, പൊലീസിനെ ആക്രമിക്കല്, ഉദ്യോഗസ്ഥരെ കൃത്യനിര്വ്വഹണത്തില് നിന്നും തടയല് എന്നീ വകുപ്പുകള് ചുമത്തിയാണ് മിക്ക കേസുകളും രജിസ്റ്റര് ചെയ്തിരിക്കുന്നത്.
തിരുവനന്തപുരം: സ്ത്രീപ്രവേശനത്തെ ചൊല്ലി ശബരിമലയിലും പമ്പയിലും നിലയ്ക്കലിലും ഉണ്ടായ സംഘര്ഷങ്ങളില് പൊലീസ് അറസ്റ്റ് ചെയ്തവരുടെ എണ്ണം 2825 ആയി. പ്രാർത്ഥന യോഗങ്ങളിലും ജാഥകളിലും പങ്കെടുത്ത സ്ത്രീകൾക്കെതിരെ നടപടി വേണ്ടെന്ന് ഡിജിപി നിർദ്ദേശിച്ചു. അക്രമ സംഭവങ്ങളിൽ നേരിട്ട് പങ്കാളികളായ വരെ മാത്രം റിമാൻഡ് ചെയ്താൽ മതിയെന്നും ഡിജിപിയുടെ നിര്ദ്ദേശമുണ്ട്.
അക്രമങ്ങളുമായി ബന്ധപ്പെട്ട് ഇതുവരെ 495 കേസുകള് രജിസ്റ്റര് ചെയ്തിട്ടുണ്ട്. കലാപശ്രമം നിരോധനാജ്ഞ ലംഘിച്ച് സംഘം ചേരല്, പൊതുമുതല് നശിപ്പിക്കല്, പൊലീസിനെ ആക്രമിക്കല്, ഉദ്യോഗസ്ഥരെ കൃത്യനിര്വ്വഹണത്തില് നിന്നും തടയല് എന്നീ വകുപ്പുകള് ചുമത്തിയാണ് മിക്ക കേസുകളും രജിസ്റ്റര് ചെയ്തിരിക്കുന്നത്.
ശബരിമലയിലെ സ്ത്രീപ്രവേശനവുമായി ബന്ധപ്പെട്ടുണ്ടായ സംഘര്ഷങ്ങളില് പൊലീസ് നടപടി കടുപ്പിച്ചതിന് പിന്നാലെ കൂട്ട അറസ്റ്റിനെതിരെ കേരള ഹൈക്കോടതി ഇന്നലെ വിമര്ശനമുന്നയിച്ചിരുന്നു. ഈ സാഹചര്യത്തില് കൃത്യമായ തെളിവുകളുടെ അടിസ്ഥാനത്തില് മാത്രം കേസ് എടുത്താല് മതിയെന്നാണ് ഡിജിപിയുടെ നിര്ദ്ദേശം.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam