മിഠായി കാണിച്ച് വിളിച്ചു; അഞ്ച് വയസ്സുകാരിയെ സ്കൂളില് വച്ച് ബലാത്സംഗം ചെയ്തു
Synopsis
കഴിഞ്ഞ ദിവസമാണ് കുട്ടിയുടെ മാതാപിതാക്കള് പൊലീസില് പരാതി നല്കിയത്. യുകെജി വിദ്യാര്ത്ഥിയായ കുട്ടിയെ സ്കൂള് ജീവനക്കാരന് മിഠായി കാണിച്ച് സ്കൂളിലെ ഒഴിഞ്ഞ സ്ഥലത്തേക്ക് കൂട്ടിക്കൊണ്ടുപോയി പീഡിപ്പിച്ചുവെന്നാണ് പരാതി
ഹൈദരാബാദ്: മിഠായി കാണിച്ച് കൊതിപ്പിച്ച് വിളിച്ചുവരുത്തിയ ശേഷം അഞ്ചുവയസ്സുകാരിയെ സ്കൂളിനകത്ത് വച്ച് ബലാത്സംഗം ചെയ്തു. ഗൊല്കൊണ്ടയിലെ ഒരു സ്കൂളിലാണ് സംഭവം നടന്നത്.
കഴിഞ്ഞ ദിവസമാണ് കുട്ടിയുടെ മാതാപിതാക്കള് പൊലീസില് പരാതി നല്കിയത്. യുകെജി വിദ്യാര്ത്ഥിയായ കുട്ടിയെ സ്കൂള് ജീവനക്കാരന് മിഠായി കാണിച്ച് സ്കൂളിലെ ഒഴിഞ്ഞ സ്ഥലത്തേക്ക് കൂട്ടിക്കൊണ്ടുപോയി ബലാത്സംഗം ചെയ്തുവെന്നാണ് പരാതി. പരാതിയെ തുടര്ന്ന് അറസ്റ്റ് ചെയ്ത പ്രതിക്കെതിരെ പോക്സോ നിയമപ്രകാരം കേസെടുത്തിട്ടുണ്ട്.
ഇതിനിടെ രോഷാകുലരായ നാട്ടുകാരും കുട്ടിയുടെ ബന്ധുക്കളും ചേര്ന്ന് സ്കൂള് തല്ലിത്തകര്ത്തു. അതേസമയം ബലാത്സംഗത്തിനിരയായ കുട്ടിയെ കൂടുതല് വൈദ്യപരിശോധനകള്ക്കായി ആശുപത്രിയില് പ്രവേശിപ്പിച്ചിരിക്കുകയാണ്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam