ഉദ്ഘാടനത്തിന്‍റെ ഒമ്പതാം വാര്‍ഷികത്തില്‍ മുന്‍ കേന്ദ്രമന്ത്രിയ്ക്ക് അതേ ശ്മശാനത്തില്‍ സംസ്കാരം

ഒമ്പത് വര്‍ഷങ്ങള്‍ക്ക് മുമ്പ് ഇതേ ദിവസം ശ്മശാനത്തിന്‍റെ ഉദ്ഘാടകനായി എത്തി, ഇന്ന് ഗുരുദാസ് കമ്മത്തിനെ അതേ ശമ്ശാനത്തില്‍ സംസ്കരിച്ചു

മുംബൈ: മഹാരാഷ്ട്രയിലെ കോണ്‍ഗ്രസ് ലീഡര്‍ ഗുരുദാസ് കമ്മത്ത് മരിച്ചത് ഓഗസ്റ്റ് 23 നാണ്. എല്ലാ വിധ ഔദ്യോഗിക  ബഹുമതികളോടെയും  ചെമ്പൂരിലെ ചരായ് ശ്മശമാനത്തിലായിരുന്നു സംസ്കാരം. എന്നാല്‍ സംസ്കാര ചടങ്ങിനിടയിലും കൗതുകമായത് 9 വര്‍ഷങ്ങള്‍ക്ക് മുമ്പ് അതേ ശ്മശാനത്തില്‍ സ്ഥാപിച്ച ഒരു ശിലാഫലകമാണ്.

2009 ഓഗസ്റ്റ് 23 ന് ആ ശ്മശാനം ഉദ്ഘാടനം ചെയ്ത ദിവസം സ്ഥാപിച്ചതായിരുന്നു ആ ഫലകം. ഉദ്ഘാടകനാകട്ടെ ഗുരുദാസ് കമ്മത്തും. അന്ന് കേന്ദ്രമന്ത്രിയായിരുന്ന അദ്ദേഹത്തെ ഒമ്പത് വര്‍ഷങ്ങള്‍ക്ക് ശേഷം അതേ ദിവസം അതേ ശ്മശാനത്തില്‍ തന്നെ സംസ്കരിക്കുകയായിരുന്നു. 

2009 ഓഗസ്റ്റ് 23 ല്‍ നടന്ന ഉദ്ഘാടന ചടങ്ങിലെ മുഖ്യാതിഥി എന്നാണ് ആ ശിലാഫലകത്തില്‍ അദ്ദേഹത്തെ കുറിച്ച് വ്യക്തമാക്കുന്നത്. ഹൃദയാഘാതത്തെ തുടര്‍ന്നാണ് ഗുരുദാസ് കമ്മത്ത് മരിച്ചത്. ദില്ലിയില്‍ വച്ചായിരുന്നു അന്ത്യം.