കടലില് കുളിക്കാനിറങ്ങിയ യുവാവിനെ കാണാതായി
Synopsis
തിരുവല്ലം: പനത്തുറ തോട്ടുമുക്കില് പൊഴിക്കരക്കടലില് കൂട്ടുകാരുമൊത്ത് കടലില് കുളിക്കാനിറങ്ങിയ സംഘത്തില്പ്പെട്ട യുവാവിനെ കാണാതായി. പാച്ചല്ലൂര് പനത്തുറ വേലിത്തല വീട്ടില് മണിയന്റെയും പത്മിനിയുടേയും മകന് മഹേഷ് (19) നെയാണ് കടലില് കാണാതായത്. കൂടെ ഉണ്ടായിരുന്ന രണ്ട് യുവാക്കളെ നാട്ടുകാര് രക്ഷപ്പെടുത്തി.
ഇന്നലെ ഉച്ചയ്ക്ക് 2 മണിയോടെയാണ് മഹേഷും കൂട്ടുകാരും കുളിക്കാനിറങ്ങിയത്. അഴിമുഖമായ പൊഴിക്കരയില് കനത്ത തിരമാലയും അടിയൊഴുക്കുമുള്ള സ്ഥലമാണ്. പനത്തുറ പൊഴിക്കര തീരദേശ പോലീസും മറെയിന് എന്ഫോഴ്സ്മെന്റും രാത്രി വൈകിയും തിരച്ചില് നടത്തുന്നുണ്ട്. കാണാതായ മഹേഷ് പരവന് കുന്നിലെ സ്വകാര്യ സൂപ്പര് മാര്ക്കറ്റിലെ ജീവനക്കാരനാണ്. സഹോദരി- വിദ്യ. ഇന്നും തെരച്ചില് തുടരും.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam