ഉദ്ഘാടന മത്സരത്തില് ആര് ജയിക്കും; അക്കിലസ് പ്രവചിച്ചു കഴിഞ്ഞു
Synopsis
കോണ്ഫെഡറേഷന്സ് കപ്പില് എല്ലാ മത്സരഫലങ്ങളും കൃത്യമായി പ്രവചിച്ച അക്കില്ലസ് ലോകകപ്പിലും അതാവര്ത്തിക്കാനുള്ള തയ്യാറെടുപ്പിലാണ്
മോസ്കോ: ലോക റാങ്കിംഗില് സൗദി അറേബ്യയേക്കാള് പിന്നിലാണെങ്കിലും ലോകകപ്പിന്റെ ഉദ്ഘാടനമത്സരത്തില് ആതിഥേയരാജ്യം വിജയിക്കുമെന്ന ഉറച്ച വിശ്വാസത്തിലാണ് ആരാധകര്. എന്നാല് കഴിഞ്ഞ മത്സരങ്ങളിലെ ടീമിന്റെ പ്രകടനം അത്ര മികച്ചതല്ലാത്തത് അവരെ ആശങ്കപ്പെടുത്തുന്നുണ്ട്. ഇതിനിടെയാണ് ആരാധകര്ക്ക് ആശ്വാസം പകര്ന്ന് അക്കില്ലസിന്റെ പ്രവചനം വന്നിരിക്കുന്നത്.
കഴിഞ്ഞ കോണ്ഫെഡറേഷന്സ് കപ്പില് എല്ലാ മത്സരഫലങ്ങളും കൃത്യമായി പ്രവചിച്ച അക്കില്ലസ് ലോകകപ്പിലും അതാവര്ത്തിക്കാനുള്ള തയ്യാറെടുപ്പിലാണ്. ലോകകപ്പില് അക്കില്ലസിന്റെ കന്നി പ്രവചനം ആതിഥേയരായ റഷ്യയ്ക്ക് അനുകൂലമായിരിക്കുകയാണ്.
സൗദിയുടെയും റഷ്യയുടെയും പതാകകൾക്ക് മുന്നിൽ വച്ചിരുന്ന പാത്രത്തില് നിന്ന് ഭക്ഷണം തെരഞ്ഞെടുത്താണ് അക്കില്ലസ് വിജയിയെ പ്രവചിച്ചത്. മോസ്കോയിലെ സ്റ്റേറ്റ് ഹെർമിറ്റേജ് മ്യൂസിയത്തിലെ താമസക്കാരനായ അക്കില്ലസിനെ ലോകകപ്പ് പ്രമാണിച്ച് റെസ്പബ്ലിക്ക കൊഷെക് ക്യാറ്റ് കഫെയിലേക്ക് മാറ്റിയിട്ടുണ്ട്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam