20 പന്നികൾ കൂട്ടത്തോടെ ചത്തു, തുടർന്നുള്ള പരിശോധനയിൽ രോഗബാധ സ്ഥിരീകരണം; മുണ്ടൂരിൽ ആഫ്രിക്കൻ പന്നിപ്പനി
Synopsis
കോഴിക്കോട് കോടഞ്ചേരി മുണ്ടൂരില് ആഫ്രിക്കന് പന്നിപ്പനി സ്ഥിരീകരിച്ചു. സ്വകാര്യ ഫാമിലെ പന്നികള്ക്കാണ് രോഗം സ്ഥിരീകരിച്ചത്.
കോഴിക്കോട്: കോഴിക്കോട് കോടഞ്ചേരി മുണ്ടൂരില് ആഫ്രിക്കന് പന്നിപ്പനി സ്ഥിരീകരിച്ചു. സ്വകാര്യ ഫാമിലെ പന്നികള്ക്കാണ് രോഗം സ്ഥിരീകരിച്ചത്. ഫാമിലെ ഇരുപത് പന്നികള് കൂട്ടത്തോടെ ചത്തതിനെത്തുടര്ന്ന് ആന്തരിക അവയവങ്ങള് ഭോപ്പാലിലെ ലാബില് പരിശോധിച്ചപ്പോഴാണ് രോഗബാധ തിരിച്ചറിഞ്ഞത്. ഫാമിലുണ്ടായിരുന്ന മുഴുവന് പന്നികളും രോഗത്തെത്തുടര്ന്ന് ചത്തു. ഫാമിന്റെ ഒരു കിലോമീറ്റര് ചുറ്റളവില് പന്നിമാംസം വില്ക്കുന്നതിന് ജില്ലാ ഭരണ കൂടം നിരോധനമേര്പ്പെടുത്തി. ഒമ്പതു കിലോമീറ്റര് ചുറ്റളവില് നിരീക്ഷണ മേഖലയായി പ്രഖ്യാപിച്ചിട്ടുണ്ട്. ഇവിടെ നിന്നും പന്നിയെ പുറത്തേക്ക് കൊണ്ടു പോകുന്നതിനും നിരോധനമേര്പ്പെടുത്തി. കോഴിക്കോട് ജില്ലയില് ഇതാദ്യമായാണ് ആഫ്രിക്കന് പന്നിപ്പനി സ്ഥിരീകരിക്കുന്നത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam