അഗസ്റ്റ വെസ്റ്റ്ലാൻഡ് ഇടപാട് കേസില്‍ ക്രിസ്റ്റ്യൻ മിഷേലിനെ എൻഫോഴ്സ്മെന്റ് ഡയറക്ടറേറ്റ് അറസ്റ്റ് ചെയ്തു. 15 മിനിറ്റ് നേരത്തേക്ക് കോടതി മുറിയിൽവച്ച് ചോദ്യം ചെയ്തതിനെ തുടര്‍ന്നായിരുന്നു അറസ്റ്റ്.
ദില്ലി: അഗസ്റ്റ വെസ്റ്റ്ലാൻഡ് ഇടപാട് കേസില്‍ ക്രിസ്റ്റ്യൻ മിഷേലിനെ എൻഫോഴ്സ്മെന്റ് ഡയറക്ടറേറ്റ് അറസ്റ്റ് ചെയ്തു. കോടതി മുറിയിൽവച്ച് 15 മിനിറ്റ് നേരത്തേക്ക് ചോദ്യം ചെയ്തതിനെ തുടര്‍ന്നായിരുന്നു അറസ്റ്റ്.
പണമിടപാട് സംബന്ധിച്ചുള്ള സി ബി ഐ കണ്ടെത്തലും എൻഫോഴ്സ്മെന്റ് കണ്ടെത്തലും തമ്മിൽ പൊരുത്തക്കേടുണ്ട്. ഇക്കാര്യം പരിശോധിക്കണം എന്ന് എൻഫോഴ്സ്മെന്റ് ഡയറക്ടറേറ്റ് സി ബി ഐ കോടതിയിൽ ആവശ്യപ്പെട്ടിട്ടുണ്ട്. സി ബി ഐക്ക് ഇല്ലാത്ത മറ്റു സാക്ഷി മൊഴികൾ തങ്ങളുടെ പക്കലുണ്ട് എന്നും എൻഫോഴ്സ്മെന്റ് കോടതിയെ അറിയിച്ചു.
അഗസ്റ്റ വെസ്‍റ്റ്‍ലാന്‍റില്‍ നിന്നും 225 കോടി രൂപ അനധികൃതമായി കൈപ്പറ്റി വി വി ഐ പി ഹെലികോപ്റ്റര്‍ കരാര്‍ ലഭിക്കുന്നതിനായി കൈക്കൂലി ഇടപാടുകള്‍ക്ക് ക്രിസ്ത്യന്‍ മിഷേല്‍ ഇടനിലക്കാരനായി പ്രവര്‍ത്തിച്ചെന്നതാണ് മിഷേലിനെതിരൊയ കുറ്റം. പന്ത്രണ്ട് വിവിഐപി ഹെലികോപ്റ്ററുകള്‍ക്കുള്ള 3,727 കോടി രൂപയുടെ കരാറിലാണ് അഗസ്റ്റ വെസ്‍റ്റലാന്‍റുമായി ഇന്ത്യ 2010 ല്‍ ഒപ്പിട്ടത്.