ഇതാണ് ഞങ്ങളുടെ കുഞ്ഞുമാലാഖ; മകളുടെ ചിത്രം ആദ്യമായി പങ്കുവച്ച് അസിനും രാഹുൽ ശർമ്മയും

കാലം ഇത്രവേ​ഗം എങ്ങോട്ടാണ് ഓടിപ്പോകുന്നത്? പ്രിയപ്പെട്ട എറിന് ജന്മദിനാശംശകൾ. എന്തിനാണ് നീ ഇത്രവേ​ഗം വളരുന്നത്? 

മകളുടെ ഒന്നാം പിറന്നാൾ ദിനത്തിൽ ട്വിറ്ററിൽ ചിത്രം പങ്കുവച്ച് അസിനും രാഹുൽ ശർമ്മയും. കഴിഞ്ഞ വർഷം ഒക്ടോബർ 25നാണ് അസിനും രാഹുലിനും പെൺകുഞ്ഞ് പിറന്നത്. എന്നാൽ ഇതുവരെ മാധ്യമങ്ങൾക്ക് കുഞ്ഞിന്റെ ചിത്രം ഇവർ നൽകിയിരുന്നില്ല. വിവാഹ ശേഷം അസിൻ പൂർണ്ണമായും അഭിനയരം​ഗത്ത് നിന്ന് വിട്ടുനിൽക്കുകയായിരുന്നു. മകളുടെ കുഞ്ഞിക്കാലിൽ വിവാഹമോതിരം അണിയിച്ച ഫോട്ടോ ട്വിറ്ററിൽ പോസ്റ്റ് ചെയ്താണ്  കുഞ്ഞുണ്ടായ വിവരം ലോകത്തെ അറിയിച്ചത്. 

ഒരു വർഷം മുമ്പാണ് തിളങ്ങുന്ന കണ്ണുകളുള്ള ഒരു കുഞ്ഞുമാലാഖയെ ഞങ്ങൾക്ക് ലഭിച്ചത്. അവൾക്കിപ്പോൾ ഒരു വയസ്സായിരിക്കുന്നു. കാലം ഇത്രവേ​ഗം എങ്ങോട്ടാണ് ഓടിപ്പോകുന്നത്? പ്രിയപ്പെട്ട എറിന് ജന്മദിനാശംസകൾ. എന്തിനാണ് നീ ഇത്രവേ​ഗം വളരുന്നത്? മകൾക്ക് ആശംസകൾ നേർന്നു കൊണ്ട് രാഹുൽ ശർമ്മ ട്വിറ്ററിൽ കുറിക്കുന്നു.