മുസാഫിർ ന​ഗറിന്റെ പേര് ലക്ഷ്മി ന​ഗർ എന്നാക്കി മാറ്റുമോ?: യോ​ഗി ആദിത്യനാഥിനോട് ബജ്രം​ഗ്ദൾ

കഴിഞ്ഞ ദിവസമാണ് അലഹബാദിനെ പ്രയാ​ഗ് രാജ് എന്ന് പേര് നൽകിയത്. ബജ്രം​ഗ്ദൾ ആണ് മുസാഫിർ ന​ഗറിന്റെ പേര് മാറ്റ ആവശ്യവുമായി മുന്നോട്ട് വന്നിരിക്കുന്നത്.   

ഉത്തർപ്രദേശ്: ഉത്തർ പ്രദേശിലെ മുസാഫിർ ന​ഗറിന്റെ പേര് ലക്ഷ്മിന​ഗർ എന്നാക്കി മാറ്റുമോ എന്ന്  മുഖ്യമന്ത്രി യോ​ഗി ആ​ദിത്യനാഥിനോട് ഹൈന്ദവ സംഘടനകൾ. ഉത്തർപ്രദേശിലെ മിക്ക ന​ഗരങ്ങളുടെ പേര് മാറ്റിക്കഴിഞ്ഞു. കഴിഞ്ഞ ദിവസമാണ് അലഹബാദിനെ പ്രയാ​ഗ് രാജ് എന്ന് പേര് നൽകിയത്. ബജ്രം​ഗ്ദൾ ആണ് മുസാഫിർ ന​ഗറിന്റെ പേര് മാറ്റ ആവശ്യവുമായി മുന്നോട്ട് വന്നിരിക്കുന്നത്. 

ഇതൊരു പുതിയ കാര്യമല്ല എന്നും1983 ൽ തന്നെ മുസാഫിർ ന​ഗറിന്റെ പേര് മാറ്റാമോ എന്ന ആവശ്യം ഉന്നയിച്ചിരുന്നുവെന്നും മുസാഫിർ ന​ഗർ ബിജെപി എംഎൽഎകപിൽ ദേവ്  അ​ഗർവാൾ വെളിപ്പെടുത്തുന്നു. രണ്ടായിരം വർഷം മുമ്പ് ഈ ന​ഗരത്തെ ലക്ഷ്മിന​ഗർ എന്നാണ് വിളിച്ചിരുന്നതെന്ന് ബജ്രം​ഗ് ദൾ കൺവീനർ അങ്കുർ റാണ പറയുന്നു. എന്നാൽ ചരിത്രാധ്യാപകനായ അജയ്പാൽ താനിങ്ങനെയൊരു പേര് എങ്ങും കേട്ടിട്ടേയില്ലെന്ന് പറയുന്നു.