സഭയ്ക്ക് ഫ്രാങ്കോയെ പോലെ ഒരാൾ അപമാനമെന്ന് ബിനോയ് വിശ്വം

ഫ്രാൻസിസ് മാർപ്പാപ്പ നയിക്കുന്ന സഭയ്ക്ക് ഫ്രാങ്കോയെ പോലെ ഒരാൾ അപമാനമെന്ന് ബിനോയ് വിശ്വം എം പി. സഭ എക്കാലത്തും ഉയർത്തിപ്പിടിച്ചത് സ്ത്രീപക്ഷ നിലപാടാണ്.

തിരുവനന്തപുരം: ഫ്രാൻസിസ് മാർപ്പാപ്പ നയിക്കുന്ന സഭയ്ക്ക് ഫ്രാങ്കോയെ പോലെ ഒരാൾ അപമാനമെന്ന് ബിനോയ് വിശ്വം എം പി.സഭ എക്കാലത്തും ഉയർത്തിപ്പിടിച്ചത് സ്ത്രീപക്ഷ നിലപാടാണ്. ഇടതുപക്ഷ സർക്കാർ കന്യാസ്ത്രീക്ക് ഒപ്പം നിൽക്കുമെന്നാണ് വിശ്വാസം.

നടപടികളില്‍ കാലതാമസമുണ്ടാകുന്നത് പഴുതടച്ച അന്വേഷണമായതിനാലെന്നും ബിനോയ് വിശ്വം പറഞ്ഞു. 

അതേസമയം, ബിഷപ്പ് സ്ഥാനമടക്കമുള്ള ചുമതലകളില്‍ നിന്ന് താല്‍ക്കാലികമായി മാറിനില്‍ക്കാന്‍ ഫ്രാങ്കോ മുളയ്ക്കല്‍ തീരുമാനിച്ചു. അന്വേഷണവുമായി സഹകരിക്കുന്നതിന്‍റെ ഭാഗമായി കേരളത്തിലേക്ക് വരുന്നതിനാലാണ് താല്‍ക്കാലികമായി സ്ഥാനങ്ങളില്‍ നിന്ന് മാറി നില്‍ക്കുന്നതെന്നാണ് അദ്ദേഹം  വൈദികർക്ക്  അയച്ച കത്തില്‍ പറയുന്നു. രൂപതക്ക് പുറത്തുപോകുന്പോഴുള്ള താൽക്കാലികമായ നടപടി മാത്രമാണിതെന്നും ബിഷപ്പ് കത്തില്‍ വ്യക്തമാക്കുന്നുണ്ട്.