സിബിഎസ്ഇ പത്താം ക്ലാസ് ഫലം പ്രസിദ്ധീകരിച്ചു

തിരുവനന്തപുരം: സി ബി എസ് ഇ പത്താം ക്ലാസ് ഫലം പ്രസിദ്ധീകരിച്ചു. 96.21 ആണ് വിജയശതമാനം. കഴിഞ്ഞ വര്‍ഷത്തെക്കാള്‍ വിജയ ശതമാനം കുറഞ്ഞു. കഴിഞ്ഞ തവണ 97.32 ആയിരുന്നു വിജയശതമാനം.

ഈ വര്‍ഷം 14 ലക്ഷത്തില്‍ ഏറെ വിദ്യാര്‍ത്ഥികളാണ് പരീക്ഷ എഴുതിയത്.

പരീക്ഷാ ഫലം അറിയാന്‍ താഴെ കൊടുത്തിരിക്കുന്ന വെബ്സൈറ്റുകള്‍ നോക്കുക...

cbse.results.nic.in, cbse.nic.in, results.nic.in

ബോര്‍ഡുമായി റജിസ്റ്റര്‍ ചെയ്തിരിക്കുന്ന സ്‌കൂളുകള്‍ക്ക്  വിദ്യാര്‍ഥികളുടെയെല്ലാം ഫലം ഇ–മെയില്‍ വഴി ലഭ്യമാക്കും.

സി ബി എസ് ഇ പ്ലസ് ടു പരീക്ഷാഫലം നേരത്തെ പ്രസിദ്ധീകരിച്ചിരുന്നു. പ്ലസ് ടുവിന് 83 ശതമാനമായിരുന്നു വിജയം.