നെതര്ലന്റില് നിന്നും സഹായം സ്വീകരിക്കാന് കേരളത്തിന് കേന്ദ്രത്തിന്റെ അനുമതി
Synopsis
കേരളത്തിന്റെ പുനര്നിര്മ്മാണത്തിനായി രണ്ട് നിര്ദ്ദേശങ്ങളാണ് നെതര്ലന്റ്സ് മുന്നോട്ട് വെച്ചിരുന്നത്. കേരളത്തിന്റെ പുനര്നിര്മ്മാണത്തെ കുറിച്ച് പഠിക്കാന് വിദഗ്ധരടങ്ങിയ ഒരു സംഘത്തെ കേരളത്തിലേക്ക് അയക്കാം. നദികളില് മറ്റും കൂടുതല് ജലമൊഴുക്കാനുള്ള സാങ്കേതിക വിദ്യ കേരളത്തിന് കൈമാറാം.
ദില്ലി:കേരളത്തിന്റെ പുനര്നിര്മ്മാണത്തിന് നെതര്ലന്റ്സില് നിന്നുള്ള സഹായം തേടാന് കേന്ദ്ര സര്ക്കാരിന്റെ അനുമതി. വിദേശകാര്യ മന്ത്രാലയമാണ് സാങ്കേതിക സഹായത്തിന് അനുമതി നല്കിയത്. ന്യൂയോര്ക്കിലുള്ള സുഷമ സ്വരാജ് അടിയന്തരമായാണ് അനുമതി നല്കിയത്.
കേരളത്തിന്റെ പുനര്നിര്മ്മാണത്തിനായി രണ്ട് നിര്ദ്ദേശങ്ങളാണ് നെതര്ലന്റ്സ് മുന്നോട്ട് വെച്ചിരുന്നത്. കേരളത്തിന്റെ പുനര്നിര്മ്മാണത്തെ കുറിച്ച് പഠിക്കാന് വിദഗ്ധരടങ്ങിയ ഒരു സംഘത്തെ കേരളത്തിലേക്ക് അയക്കാം. നദികളില് മറ്റും കൂടുതല് ജലമൊഴുക്കാനുള്ള സാങ്കേതിക വിദ്യ കേരളത്തിന് കൈമാറാം. ഈ രണ്ട് നിര്ദ്ദേശങ്ങളുടെ അടിസ്ഥാനത്തിലാണ് വിദേശകാര്യമന്ത്രാലയം അനുമതി നല്കിയിരിക്കുന്നത്.
സാങ്കേതിക സഹായം അഭ്യര്ത്ഥിച്ചുകൊണ്ടുള്ള കത്ത് ഇന്ത്യ നെതര്ലന്റ്സിന് അയക്കും. അവിടുത്തെ ഇന്ത്യന് അംബാസിഡറായ വേണു രാജാമണി ഈ കത്ത് കൈമാറും. തുടര്ന്ന് വിദേശസംഘം കേരളത്തിലെത്തി ആവശ്യമായ സാങ്കേതിക സഹായം നല്കുമെന്നാണ് സൂചന.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam